Казакстандык балдар авиакырсыктан жабыркаган Султан менен Жакшылыкка жардамын ырчы Асел Турдалиевадан берип жиберишти

Бий ансамбли

Кабарчы Кызжибек Раимова жана Асел Турдалиева

Султан жана чоң апасы

Казакстандык балдар авиакырсыктан жабыркаган Султан менен Жакшылыкка жардамын ырчы Асел Турдалиевадан берип жиберишти. Бул тууралуу ырчы SUPER.KG порталына бүгүн, 1-февралда билдирди.

Асел Турдалиеванын айтымында, ал Караганда шаарына бий ансамбли менен бирге концерт коюп барган. Кичинекей күйөрмандар Кыргыз өлкөсүндөгү авиакырсыктан ата-энеси жана бир туугандарынан айрылган Султан менен Жакшылыкка акчалай каражат чогултуп, ырчыдан берип жиберишкен.

"Кичинекей балапандай болгон балдар чөнтөгүндө болгон акчаларын чогултуп, менин берип коюшумду өтүнүшкөн. Мен ал балдардын даректерин билбегендиктен, силер аркылуу берип жиберейин дедим. Бул жакшылыкты уккан университетте билим алган чет элдик студенттер да бир аз да болсо каражат чогултуп мага беришти", - деген ырчы Асел Турдалиева чогулган жардамды SUPER.KG порталына өткөрүп, өз дарегине жеткирип коюшубузду суранды.

Эскерте кетсек, ырчы учурда Бүбүсара Бейшеналиева атындагы Маданият жана искусство университетинде иштейт. Авиакырсыктан жабыркагандар үчүн университеттин эмгек жамааты бир күндүк айлык акысын которгонун кошумчалады ал.

Жакшылык менен Султандын жакындары көрсөтүлгөн жардамга ыраазы экенин билдиришти.

"Кыргыз эли жардамын аябай берип жатат. Казак элинен да жардам келди. Ыраазыбыз. Тилекке каршы, эми каза болгондорду кайтара албайбыз", - деди Султандын чоң апасы Бурулкан Жумалиева.

Авиакырсыктан аман калган Жакшылык, Султанга казакстандык балдар жардам берди

Автор: Үмүт Абдраимова

20:15 01-02-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (7)

UlukmanKalyev

2017-02-01 20:30:10

Рахмат казак боордоштор Аллах ыразы болсун☺☺☺

+14

salimbek87.kg

2017-02-01 21:34:35

Аллах разы болсун.Казак боордошторго.

adimyrza

2017-02-01 22:13:32

Асел эже озунуз эле жолугуп берип койсонуз да жакшы болмок аманатты менин жеке ойум...

baltabaev

2017-02-02 02:31:55

Кыргызстанга жашап туруп 120 депутаттар дешке да оозум барбай турат,ушул жаш балдардыкындай мээнер иштебейт,

KG.Kushtarbek

2017-02-02 09:07:54

baltabaev, мээлери иштейт Бир нерсе болуп 1.2 жыл откондон кийин гана иштейт ошондо ошондой Калгари емеппиз дейтта

Bubu88

2017-02-02 11:51:56

Эмнеге көздөрүн жаап койдунар

snejinka

2017-02-02 12:20:17

Bubu88 негизи ушинтип жаап бериш керек жаш баланыкын, көчөдөн же башка жактан бирөөлөр ииий баягы бала сен белең деп ар кандай суроолорду жаадырып кириши мүмкүн, психологиясы калыптана элек өспүрүм үчүн бул оор болот.

Комментарий калтыруу үчүн өз ысымыңыз менен кириңиз же каттоодон өтүңүз.