Премьер-министр: "ЕАЭБге кошулгандан тарта тышкы соода жүгүртүүнүн көлөмү азайды"

Кыргыз Республикасы ЕАЭБге кошулгандан тартып тышкы соода көрсөткүчтөрү төмөндөдү. Мындай маалыматты бүгүн, 2-февралда Жогорку Кеңеште премьер-министр Сооронбай Жээнбеков билдирди.

Анын айтымында, өлкөдөгү 2016-жылдын 11 айынын жыйынтыгы боюнча экспорт 8,1 пайызга кыскарды. Ал эми импорт 18,5 пайызга азайган. "2016-жылдын январь-ноябрь айларынын ичинде жалпы импорт 0,1 пайызга кыскарган. Импорттун көлөмү эт азыктарына 3,2 эсеге, транспорттук каражаттар 1,7 эсеге, фармацевттик азыктар 31,2 пайызга кыскарган", - деди ал.

Автор: Жылдыз Джускембаева