Баткен облусунда катталган жер титирөөдөн социалдык имараттарда жаракалар пайда болду

Баткен облусунда катталган жер титирөөдөн социалдык имараттарда жаракалар пайда болду. Бул тууралуу бүгүн, 3-февралда Өзгөчө кырдаалдар министрлигинин басма сөз кызматынан билдиришти.

Маалыматка ылайык, жердин силкинүүсүнөн улам Баткен шаарында 2 мектептин жана Баткен районунун Дара айыл аймагынын Чек айылында 1 бала бакчанын дубалдарында майда жаракалар пайда болгон. Мындан сырткары Чек ара кызматынын "Чарбак" тозотунун имаратынын дубалдары жарылган.

Эске салсак, бүгүн саат 10:36 чамасында Баткен облусунун аймагында 5 баллга жеткен жер титирөө катталган. Учурда Жарандык коргонуу комиссиясы тактоо иштерин жүргүзүүдө.

Автор: Акназар Сулайманкулов
Фото: Интернеттен алынды