Чолпон Жакупова: "Эгер шайлоонун жыйынтыгын каалагандай жазууга мүмкүн болсо, талапкерлердин миллиондогон акчалары текке кетет"

"Эгер шайлоонун жыйынтыгын кол менен каалагандай жазганга мүмкүн болсо, анда президенттикке талапкерлер үгүт иштерине жумшоого даяр миллиондогон акчалары таштанды челекке ыргытылган болот", - деген пикирин бүгүн, 4-февралда "Ак шумкар" саясий партиясынын жыйынында Жогорку Кеңештин "Бир бол" фракциясынан экс-депутаты Чолпон Жакупова билдирди.

Анын айтымында, былтыр декабрь айында өткөн жергиликтүү кеңешке шайлоо борбордук серверге кирүүгө кимге мүмкүн болсо, ал каалаган санды жаза аларын көрсөттү. "Бул маселени бир адам чече албайт. Бири-бирине оппонент болгон президенттикке талапкерлер биригип бул маселени чече алышат. Же болбосо талапкерлердин программалары, акчалары текке кетет. Күзүндө шайлоо эмес, жөн эле дайындоо болуп калат", - деди Жакупова.

Автор: Нургазы Аматов
Фото: Нургазы Аматов