Казакстанда өтүп жаткан "Универсиада-2017ге" кыргыз спортчулары атайын бирдиктүү формасыз, керектүү жабдууларсыз жөнөтүлүшкөн

Казакстанда өтүп жаткан XXVIII Бүткүл дүйнөлүк Кышкы Универсиадага кыргыз спортчулары атайын бирдиктүү формасыз, керектүү жабдууларсыз жөнөтүлүшкөн. Бул тууралуу "5-каналдын" телеберүүсүндө айтылды.

Маалыматка ылайык, Кыргыз өлкөсүнөн "Универсиада-2017ге" барган спортчуларды Кыргыз Республикасынын Жаштар иштери, дене тарбия жана спорт мамлекеттик агенттиги кышкы формасыз жана керектүү жабдууларсыз жөнөткөн. Мындан улам ачылышында спортчулар ар кандай форма менен чыкканы аз келгенсип, оюн маалында жабдуулары жок болуп ар кимдикин сурап турууга мажбур болушууда.

"Жобого ылайык, кышкы форма спортчуларга 2 жылда 1 жолу берилет. Спортчулар Универсиададан кийин Японияга Азия оюндарына жөнөтүлүшөт. Форманы ошол оюндарга кетер алдында берүү чечими чыккан", - деген өз сөзүндө Жаштар иштери, дене тарбия жана спорт мамлекеттик агенттигинин өкүлү Нурдин Султанбаев.

Кыргыз өлкөсүнөн барган лыжачылар жана биатлончулар спорттун эки бөлөк түрү болсо да, лыжанын бир түрүн колдонушканы белгилүү болду.

"Биатлончулар коньки лыжаларында жүрүшсө, бул жерде классикалык менен жүрүштү. Классикалыкка бизде такыр лыжа жок. Жарыш башталган күнү казактардан сураганга мажбур болдук", - дейт биатлон боюнча машыктыруучу Александр Левданский.

Александр Левданский биатлончулардын гана эмес, лыжачылардын да машыктыруучусу. 2-февралда биатлончулар да, лыжачылар да стартка чыгышканда тренер эки ортодо калганы белгиленет.

Машыктыруучу Кыргыз жергесинде талапка жооп бергидей аянтчалар жок экенин, спортчуларга шарт түзүлбөгөнүн кошумчалаган.

Автор: Үмүт Абдраимова
Фото: Интернеттен алынды

15:03 04-02-2017

Жазылуу

РУБРИКАДАГЫ СОҢКУ КАБАРЛАР

11:38 2025-05-15 | Коом жана турмуш

Баткенде желим идиштер чыгарыла баштады (фото) 23 0

11:22 2025-05-15 | Саясат

Илим министринин милдетин аткаруучу Бактияр Орозовдун өмүр баяны 201 0

11:12 2025-05-15 | Коом жана турмуш

"Чүйдүн талааларын чегиртке каптап жатат" деген видео тарады (видео) 210 0

10:56 2025-05-15 | Кылмыштар, кырсыктар

Маркум Көлбаевдин кылмыштуу тобун каржылаган деп казак ишкерине издөө жарыяланды 303 0

10:53 2025-05-15 | Түркүн дүйнө

Блогер Гусейн Гасанов ага издөө жарыялангандыгы тууралуу маалыматка үн катты 622 0

10:45 2025-05-15 | Коом жана турмуш

Нарындагы жер титирөө: Ак-Талаада дагы 21 үйдө жарака кеткени аныкталды 187 0

Архив

Комментарийлер (20)

jarkyldak

2017-02-04 15:49:10

Дагы жакшы, казактар лыжасын берип. Болбосо байпакчан чуркайт беленер? "Жоо кеткен сон- кылычынды ташка чап" дейт. Жоопкерчиликти алып бараткан сон, эрте уюштурбайбы ушуларды. Бардык нерсени эле Атамбайга шылтай бербей озубуз деле ишти кыла бербейлиби? Ачкадан кырыла турган казактар олимпиаданы откоруп жатышканда, биздин тыныраак барып катыша албаганыбызга ардангандан башка айла жок.

+16

jarkyldak

2017-02-04 15:54:15

Окудум, кийин беребиз дептир. "Жок, бизде кие турган нерсе жок, лыжа жок, уят болобуз" десе болот эле го. Бардыгыбыз оз ишибизге так жана жоопкерчиликтуу мамиле кылалык! Болбосо дагы коп жерде УЯТ болобуз туугандар!

briliant87

2017-02-04 16:12:35

Уят э

palina

2017-02-04 16:17:00

Байкуштарым бул жакта туруп эле элестетип кейидим,лыжанды берип турчу каке деп... так обидно.

+10

palina

2017-02-04 16:21:33

Талапка жооп бере турган аянтча жок десенер уят эмеспи чар тарабыбыз тоо болуп турса.

munduz2016

2017-02-04 16:32:52

Бет уялбайт,калын.Картошка айдаш керек ал беттерге)))

baltabai

2017-02-04 16:33:35

Uiat ele

bibi87

2017-02-04 16:50:51

Суроо коп,жооп жок ,....

erlist

2017-02-04 17:42:46

Эгерде жабдуулары жок болсо эмне барат ал жака элден сураганыбы?кызык тренер экен бу даттанып.Ошончо бардынбы тигинден сурайсынбы мындан сурайсынбы унчукпай катышып кел же барбай кой.Биздин олкодо андан башка проблема толтра...силер эле жетишпей аттынар эле

-5

tyrgon

2017-02-04 17:45:23

ха ха ))) кызыксынарго ал акчага алтын жалатылган тош белги жасатмак бирок жасатпай калып жаман болушкан )))

talant87

2017-02-04 17:55:22

кантип эле неге барган башында ойллнуш керек эле. сим катартасы жок телефон, донгологу жок машина, болдуго

Alixan-Nookat.2015

2017-02-04 18:21:50

Уят ушул бийлик тезирээк кетсе экен жаңы бийликтен жакшы иштерди кутобуз. Бул деген шермендечилик башка бирөөнүн жабдууларын сурап чоң эле мамлекет керектүү жабдууларды жана бирдей кийим тигип бере албаганы кантсин эми.

tynkatar03

2017-02-04 20:28:07

Дагы спортчулардан байгелуу медалдарды талап кылабыз((.Дагы жакшы Казахстан жакын. Кокус Швейцарияда болгондо жол кире жок эле барбай калышмак окшойт.

Seiil.94

2017-02-05 00:44:49

Биздикилер жыланач баатыр да

oscar

2017-02-05 20:40:34

Биринчиден туура эмес.. экинчиден ар бир ойной турган шаймандарын которо журот го жанында.. башка бироонун аспаптары менен ойнобойт же албайт го спортчулар.. теннисчилер ракеткасы дайыма жанында 1-5 ти ала журушот.. азыр бильярд ойносо да кийи озунуку.. анан эч нерсе албай коньки лыжа носки ди берчи дебей

oscar

2017-02-05 20:43:28

Лыжачы болсон озундун лыжан болуш керек

Комментарий калтыруу үчүн өз ысымыңыз менен кириңиз же каттоодон өтүңүз.