Пакистанда кар көчкүдөн 6 аял, 6 кичинекей бала каза болду

Бүгүн, 5-февралда Пакистандын тоолуу айылына кар көчкү түшүп, болжол менен 14 адам каза болду. Каза болгондордун арасында 6 аял жана 6 кичинекей бала бар. Бул тууралуу ТАСС басылмасы жазды.

"Көчкү Шер Шал тоолуу аймагында жайгашкан айылдардын бирин басып калган. Кар алдында 25 үй калып, кардын жүрүшүнөн 5 үй талкаланган. Анын астынан 9 адамды куткаруу мүмкүн болгон. Куткарылгандар ар кандай жаракат менен ооруканага жаткырылышты", - деп жазылган маалыматта.

Кырсыктан кийин бир нече саат өткөндө Ооганстандын чек арасынын жанындагы Арунду аймагында жайгашкан полициянын имаратына дагы көчкү түшүп, 7 полиция кызматкери жаракат алганы маалым болду.

Автор: Үмүт Абдраимова
Фото: Интернеттен алынды