Экстремизмди жана терроризмди үгүттөгөн 86 веб-сайтка чектөө киргизилди

Улуттук коопсуздук мамлекеттик кызматы 2016-жылы экстремисттик, террористтик аракеттер жана улуттар арасындагы араздаштыкка каршы күрөшүү боюнча мыйзамдардын ишке ашырылышы боюнча 203 текшерүү жүргүзгөн. Бул тууралуу бүгүн, 7-февралда УКМКнын басма сөз кызматынан билдиришти.

Маалыматка ылайык, текшерүүнүн жыйынтыгында нормативдик-укуктук актылардын бузулушун жоюу боюнча 76 тапшырма, 178 көрсөтмө берилген. Прокурордук актылар боюнча 219 кызмат адамы тартип жазасына тартылды. ИИМ жана УКМК кызматкерлеринин биргеликте жүргүзгөн иш-аракетинин жыйынтыгында экстремисттик мүнөздөгү маалымат тараткан веб-сайттарды жабуу боюнча сотко 13 арыз жиберилген. Арыз каралып, 86 веб-сайтка чектөө киргизилген.

"Башкы прокуратура тарабынан интернеттеги экстремизм жана терроризмдин идеологияларын, куралдуу жаңжалдарга үгүттөгөн кыймылдардын иш-аракеттерине өзгөчө көңүл бурулууда. Бул үчүн 2015-жылы атайын жумушчу топ түзүлгөн", - деп билдирди басма сөз кызматы.

Автор: Акназар Сулайманкулов