Тайырбек Сарпашев Башкы прокуратуранын аракетине макул эмес

Мамлекеттик каттоо кызматынын башчысы Тайырбек Сарпашев Башкы прокуратура тараткан маалыматка макул эмес. Бишкекте Бакиевдерге таандык жер тилкесин сатуу ишинде айыбы жок экенин 9-февралда маалымат жыйынында билдирди.

"Бул маселе боюнча мен мурдагы позицияда калам", - деди ал.

Белгилей кетсек, буга чейин Башкы прокуратура Бишкекте Бакиевдерге таандык жер тилкесин аресттен чыгаруу боюнча сот чечимин аткарууну айтып Сарпашев 2016-жылдын ноябрында Бишкек шаардык мамлекеттик каттоо башкармалыгына тапшырма бергенин маалымдаган. Прокуратура Сарпашевди кызматтан бошотуу сунушун айтып премьер-министрге кат жолдоду.

Автор: Автандил Добулбеков
Фото: Автандил Добулбеков