Курулуш башкармалыгынын дачалары айылынын тургундары ИИМ суракка чакырып аларды убара кылып жатканына нааразы

Дачи СУ айылынын жашоочусу Мария Атабаева

Ички иштер министрлиги учак кырсыгы катталган айылдын тургундарын суракка чакырып убара кылып жатышканын бүгүн, 10-февралда SUPER.KG порталына Курулуш башкармалыгынын дачалары айылынын тургуну Гүлбарчын Жумабаева билдирди.

"Жолдошум жаңы эле ооруканадан чыгып келсе, милиция кызматкерлери чакырып, канчалык деңгээлде жабыркаганыбызды сурап жатат. Анда да кеңсенин алдында 2 саат бою күттүрүп анан кабыл алышты. Тергөө иштери керек болсо айылга келип, элди аралап сураса болбойбу? Ансыз да кыйналып жаткан элди түйшүккө салбай. Биздин үйдө жолдошум да, мен да иштебеймин. Киреше булагыбыз жок. Тамак-ашка акча таппай жатканда жол кире төлөп милицияга барганга шартыбыз жок болуп жатат", - деп нааразычылыгын билдирди Жумабекова.

Милициянын тергөө иштерине чакырып жатканын Курулуш башкармалыгынын дачалары айылынын жашоочусу 64 жаштагы Мария Атабаева да билдирген. Ал өз сөзүндө: "Менин 4 неберем бар. Аларды жалгыз караймын. Неберелеримди таштап кете албайм, анткени алар жаш. Улуусу майып. Ошондуктан мени тергөөнүн сурагына чакырбай деле койсо болот эле", - деген ал.

Маалыматты тактоо максатында ИИМдин басма сөз кызматына байланыштык.

"Учактын кулашы боюнча кылмыш иши козголгон. Бул ишти учурда министрликтин Башкы тергөө башкармалыгы аткарып жатат. Кырсык болгон жердеги жергиликтүү эл окуянын күбөсү катары эсептелет. Мында тиешелүү кызматтар ишти объективдүү кароо максатында тургундарды суракка чакырып жатат. Ошол эле учурда абалы оор, мүмкүнчүлүгү жокторду чакырган жокпуз. Жарандар иштин жеңил жүрүшүнө көмөк көрсөтүшсө жакшы болмок", - деп билдирди басма сөз кызматы.

Автор: Акназар Сулайманкулов
Фото: Акназар Сулайманкулов

17:36 10-02-2017

Жазылуу

РУБРИКАДАГЫ СОҢКУ КАБАРЛАР

17:40 2025-05-15 | Коом жана турмуш

Барскоон – Ак-Шыйрак жолуна асфальт төшөлүүдө 5 0

17:38 2025-05-15 | Коом жана турмуш

Аптаптуу ысыкта иш убактысына атайын чектөө каралганбы? 20 0

17:22 2025-05-15 | Коом жана турмуш

Бишкекте 62 жаштагы Кенжебү Кулматова изделип жатат 78 0

17:12 2025-05-15 | Коом жана турмуш

Ташиевдер салган төрөт үйүндө төрөлгөн наристелерге УКМК башчысынын аты-жөнүнөн ысым ыйгарылды 272 0

16:58 2025-05-15 | Саясат

Мамлекеттик катчы Сүйүнбек Касмамбетов кызматтан кетерин билдирди 297 0

16:28 2025-05-15 | Түркүн дүйнө

Владимир Зеленский Анкарага барды 774 0

Архив

Комментарийлер (6)

AIZAD

2017-02-10 21:39:36

Эмнеге чакырат тергоого аларды, самолётту ошолор кулаткансып. Соз жок!!! Эмнени ойлоп атасынар?

AIZAD

2017-02-10 21:43:34

Адамдардын кайгысынын артынан акча коздогондор куруп калгыла!!!

33SUUN

2017-02-11 04:08:26

Жабыр тарткан тарапты кайсыл мыйзамдын негизинде тергоого чакырып жатышат?Же мен жаны мыйзам чыкканын байкабай калганмынбы?

momun74

2017-02-11 13:36:07

Аны муну койуп эртерек чогулган акчаны жабыркагандарга болуп бербейби кыштын куну болсо ал Эми Мариям апанын небересене акча болсо каршыда эмес элек дарылатып алганга

ashuular_plus

2017-02-11 23:46:16

momun74,
Эртерээк таратпайбы дейсиз, 22-январда биз тулоого барганда эле мечитте таратылып жатат деген, Гульбарчын женем кочосунун тургундарынын тизмесин алып барса ызы-чуу дейт, биринин созун бири укпай эле ажылдашкандар, тээ алыс жакта жайгашкан уйлор деле талап-ташып алып жатышыптыр деп кетип калыптыр. Келген жардамдардын башы адилетсиз эле таратылып кеткен. Азыркысын билбейм...

iliya

2017-02-12 20:23:09

Тообо кылдым булардын кылмыш иши козголду деп койгону эле барда,башкасын корсотпойт эми 2010жылы деле снайпердин бироосун кармадык,эл алдында жоопко тартабыз деп басты болуп кетти.Эми ал кылмыш иш козголову жокпу элдин 77миллион жана турктор берген 38миллион долларды жакшынакай кылып болуп берип койсо экен,оздору жебестен бул жерде канчалаган адамдар курман болуп кетти.Ал эми акчанын сомго которулган айырмасы 2 622 000000 болот экен миллиардаган акча болот экен.

Комментарий калтыруу үчүн өз ысымыңыз менен кириңиз же каттоодон өтүңүз.