"Боинг кырсыгынан келтирилген чыгымдарды калыбына келтирүү боюнча Түркия тарап менен сүйлөшүүлөр уланууда" дейт Абылгазиев

Мухаммедкалый Абылгазиев 11-февралда Боинг 747 авиакырсыгынын себептерин иликтөө боюнча өкмөттүк комиссиянын кезектеги жыйынын өткөрдү.

Кыргыз Республикасынын Биринчи вице-премьер-министри белгилегендей, авиакырсыктын кесепетинен келтирилген чыгымдарды калыбына келтирүү боюнча түрк тарап менен сүйлөшүүлөр уланууда.

Бүгүнкү күндө жабыркаган 12 үй-бүлө Чүй облусунун жана Бишкек шаарынын аймагына бардык шарты бар убактылуу жашоочу батирлерге көчүрүлдү. ӨКМнын жабырлануучуларга жардам берүүчү атайын эсебине 82 миллион 920 233 сом которулду. Аталган эсеп жарандардан акчалай каражат түшүп жаткандыгына байланыштуу ачык турат.

Мухаммедкалый Абылгазиев өкмөт авиакырсык боюнча ӨКМнын эсебине түшкөн каражатты максаттуу пайдаланууну жеке көзөмөлүнө аларын баса белгиледи.

Мындан сырткары Кыргыз Республикасынын Саламаттык сактоо министрлигинин маалыматында, бүгүнкү күндө кырсыктан жабыркаган 11 жаран стационардык дарыланууда: Бишкек травматология жана ортопедия илим изилдөө борборуна 1 адам, Кыргыз илим изилдөө жана ден соолукту калыбына келтирүү борборуна 7 адам, №2-Шаардык төрөт үйүнө 1 адам, Республикалык психикалык ден соолук борборуна 2 адам жаткырылды. Дарылангандардын бардыгынын абалы канааттандырарлык, керектүү медициналык жардамдар убагында берилүүдө.

Биринчи вице-премьер-министр жабыркагандарды акыйкаттуу, дүйнөлүк практикада кабыл алынгандай нормалар менен компенсация төлөп берүү эң негизги милдет экенин билдирди.

Автор: Айпери Ганыжан кызы

09:49 12-02-2017

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (2)

A3A

2017-02-12 12:51:02

Улансын

chikakorea

2017-02-12 20:21:46

Дарыланып жатышкан 11 адам жок бул эски маалымат биз кечээ баарын кыдырып акчалай жардам бердик. Болгону Кыргыз илим изилдоо дана ден соолукту чындоо борборунда 6 адам жатат.

Комментарий калтыруу үчүн өз ысымыңыз менен кириңиз же каттоодон өтүңүз.