Чолпон Султанбекова: "Этникалык кыргыздарга жарандык алууда көмөктөшүү зарыл"

Вице-премьер-министр Чолпон Султанбекова бүгүн, 14-февралда Өкмөткө караштуу Мамлекеттик миграция кызматынын коллегиялык жыйынына катышты. Бул тууралуу өкмөттүн басма сөз кызматы билдирди.

Жыйындын жүрүшүндө миграциялык саясаттагы маселелер талкууланды. "Мекеменин башкы милдеттеринин бири – эмгек мигранттарына жардам берүү, үчүнчү өлкөлөргө кетип жаткан мигранттарга квалификациялуу көмөк көрсөтүү, алардын коопсуздугун жана укугун камсыздоо болуп саналат. Ошону менен бирге тышкы миграция деңгээлин ырааттуу кыскартуу максатында республикада жаңы жумушчу орундарын түзүү керек", -деди Чолпон Султанбекова.

Вице-премьер-министр миграциялык көзөмөлдүн жоктугунан чет жердеги мигранттардын так саны жок экенин айтты. "Этникалык кыргыздардын абалын жакшыртуу маанилүү маселе болуп саналат. Аларга жарандык алууда, ишке орноштуруу, турак жай курууга жер бөлүү, пенсия жана жөлөк пул алууда көмөктөшүү керек. Ошол эле учурда өлкөдө жашап жаткан этникалык кыргыздардын так саны тууралуу маалымат жок", - деди ал.

Жыйынтыгында Чолпон Султанбекова Кыргыз Республикасынын Өкмөтүнө караштуу Мамлекеттик миграция кызматынын кызматкерлеринин начар аткаруучулук тартибин, тактап айтканда, мыйзамдарды, ченемдик-укуктук актыларды жана отчёт даярдоодогу жетишсиз ишин атады.

Буга байланыштуу вице-премьер-министр Чолпон Султанбекова кызмат жетекчилигин өз милдеттерин жана Мамлекеттик миграция кызматынын алдындагы коюлган милдеттерди аткарууга жоопкерчилик менен мамиле кылууга чакырды.

Автор: Айпери Ганыжан кызы

18:28 14-02-2017

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (5)

Erlan_95

2017-02-14 18:42:26

Афганистандагы кыргыздарды кочуруп келгилечи откондогу кар кочку болгондо ото боорум оруду аларды эстеп .

aza22

2017-02-14 20:10:17

Этникалык кыргыздарды колдойлу

Eksvp_1

2017-02-14 20:57:47

Туура, этникалык кыргыздарга көмөктөшүү керек. Кыргызга бир гана кыргыз күйөт.

Bolunbo.kyrgyz

2017-02-14 22:03:56

Ар кимдин тагдыры жашоосу бар дейличи бирок аларга ото кыйын экен жашоолору чынында кочуруп келиш керек акча керек болсо жардам берели жер болуп берсин мамлекеттен

fea1990

2017-02-14 22:50:20

Атам эки жылдан бери гражданство ала албай журотго...

Комментарий калтыруу үчүн өз ысымыңыз менен кириңиз же каттоодон өтүңүз.