Айыл чарба өндүрүшү тармагына 6 пайыздык насыялар берилет

Кыргыз жеринде быйылкы жазгы талаа иштерине насыя берүүгө 7 миллиард сом каралган. Өкмөттүн билдиришинче, насыя 3 жылдык мөөнөткө: мал чарбачылык жана өсүмдүк өстүрүү үчүн – жылына 10 пайыздык үстөк, айыл чарба азыктарын кайра иштетүү жана экспортко багытталган айыл чарба өндүрүшүнө – жылына 6 пайыздык үстөк менен насыя берилет.

Айыл чарба, тамак-аш өнөр жайы жана мелиорация министри Нурбек Мурашевдин айтымында, 2016-жылы 450 миң тоннадан ашык айыл чарба азыктары экспорттолсо, 2017-жылы экспорттун көлөмүн 500 миң тоннага жеткирүү аракети көрүлүүдө.

2017-жылы өлкөгө 260 айыл чарба техникасы алынып келинет.

Автор: Автандил Добулбеков