Орусиянын Тула облусунда Кыргыз жаранын муунтуп өлтүргөн өзбекстандыктын иши сотто каралууда. Бул тууралуу бүгүн, 15- февралда жергиликтүү маалымат булактары жазып чыкты.Маалыматка ылайык, 2016-жылдын 30-июлунда турак жайлардын биринде Кыргыз жараны менен Өзбек жараны чогуу спирт ичимдигин ичишкен. Жыйынтыгында экөөнүн ортосунда жаңжал чыгып, өзбекстандык үтүктүн ток өткөргүчү менен шеригин муунтуп, бычак менен жабырлануучунун кекиртегин кесип салган. Окуя болгон жерде Кыргыз жараны каза болгон.
Учурда аталган факт боюнча жергиликтүү сот иш алып барууда.
