Төраганын иш бөлмөсүнөн шашып чыккан Абдил Сегизбаев журналисттерге комментарий берген жок

Фракция лидерлеринин жыйынында УКМКнын төрагасы Абдил Сегизбаев Өмүрбек Текебаевдин ден соолугу жакшы экенин айтты. Бул тууралуу бүгүн, 27-февралда жыйында катышкан "Ата Мекен" фракциясынын депутаты Алмамбет Шыкмаматов билдирди.

Анын айтымында, азыр ар бир фракциянын жыйыны өтүп, 1 сааттан кийин кайра лидерлер чогулат. Ал эми КСПД фракциясынын лидери Иса Өмүркулов "биз эч нерсени чечпейбиз " деп жооп берди. Калган фракциянын лидерлери төрага жооп берет деген сөздөрүн билдирди.

Төраганын иш бөлмөсүнөн шашып чыккан УКМКнын төрагасы Абдил Сегизбаев журналисттерге комментарий берген жок.