ЖЫЛНААМА, 6-МАРТ: 6 жыл мурун белгилүү кинорежиссёр Эркин Рыспаев көз жумган

Мындан 6 жыл мурун, 2011-жылы 6-мартта "Кыш", "Жүгөрү" жана башка даректүү фильмдердин жана "Сүйүү сынагы" (Мирлан Абдыкалыков менен биргеликте), "У любви свои небеса" (Актан Арым Кубат менен биргеликте) сериалдарын жаратып, кыргыз элине белгилүү болгон таланттуу кинорежиссёр Эркин Рыспаев 56 жашында дүйнө салган. Ал 1955-жылы Бишкек шаарында жарык дүйнөгө келген. Кыргыз киносунун өнүгүүсүнө чоң салым кошкон таланттуу, кайталангыс режиссёр болгон. СССР тараган учурдан баштап бүтүндөй өмүрүн кино тармагына арнап келген. Анын чыгармачылыгынын арты менен бир нече мыкты документалдуу тасмалар жана сериалдар тартылып, коомчулукка сунушталган.

6-мартка карата жылнаама

Автор: Саадат Токтоболот кызы