Баласына жол кире акысын таба албай калган энеге райондук социалдык өнүгүү башкармалыгы жардам бере албайт

6-мартта ден соолугунан мүмкүнчүлүгү чектелген жолдошу менен уулун жалгыз баккан Гүлсада Иманкулова тууралуу баяндаган элек. Гүлсада Иманкулованын үй-бүлөсүндө 5 адам жашайт. Бул үй-бүлөдө ден соолугунан мүмкүнчүлүгү чектелген 18 жаштагы Билимжан уулу Шержандан тышкары дагы 2 уулу бар. Жолдошу Билимжан Сарпашовдун да мүмкүнчүлүгү чектелген, жумушу жок. Сарпашовдордун үй-бүлөсү мектепте окуган баласына жумшалуучу төлөмдөрдөн бошотууну суранышкан.

Бүгүн, 14-мартта SUPER.KG порталына Сокулук райондук социалдык өнүгүү башкармалыгы бул үй-бүлөгө материалдык жардам көрсөтө албастыгын билдирди.

"Бул үй-бүлө Жалал-Абад облусунун Токтогул районуна караштуу Толук айылында каттоодо турушат. 2013-жылы Курулуш башкармалыгынын дачаларынан №80-тилкесин сатып алышкан. Үйү 2 бөлмөлүү.

Үй-бүлө 5 кишиден турат:

Гүлсада Иманкулова 1973-жылы туулган, иштебейт.
Жолдошу - Билимжан Сарпашев 1969-жылы туулган, 2-топтогу майып, Токтогул районуна караштуу социалдык фонд аркылуу 3500 сом пенсия алат.
Баласы - Эржан Билимжан уулу 1994-жылы туулган, студент контракттык негизде окуйт, тигүүчү цехинде иштейт.
Баласы - Ш.Б. уулу 1998-жылы туулган, 2-топтогу майып, Токтогул районунун социалдык өнүгүү башкармалыгы тарабынан 2875 сом жөлөк пул алат.
Баласы - А.Б. уулу 2003-жылы туулган, 7- класста Ат-Башы орто мектебинде окуйт.

Сокулук райондук социалдык өнүгүү башкармалыгы 2 тепкичтүү бюджет болгондугуна байланыштуу материалдык жардам көрсөтүүгө мүмкүнчүлүгү жок", - деп билдиришти мекемеден.

Ошондой эле башкармалык Новопавловка жана Ат-Башы айыл өкмөттөрүнө Гүлсада Иманкулованын үй-бүлөсүнө материалдык жана гуманитардык жардам көрсөтүү боюнча Сокулук РСӨБ атынан кат жөнөтүлгөнүн кошумчалашты.

Автор: Үмүт Абдраимова

17:02 14-03-2017

Жазылуу

РУБРИКАДАГЫ СОҢКУ КАБАРЛАР

13:29 2025-05-16 | Коом жана турмуш

Өлкөдө дем алыш күнү туруксуз аба ырайы күтүлөт 96 0

13:24 2025-05-16 | Супер-Инфо

“Эркектей эле болчу...” Же кыргыздар мырзаны кантип тарбиялашкан? 33 1

13:18 2025-05-16 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 1478 0

12:51 2025-05-16 | Коом жана турмуш

17-майга карата аба ырайы 179 0

12:19 2025-05-16 | Супер-Инфо

Клара Алибекова, ырчы: «Кайра жаралсам таптакыр башкача жашамакмын» 215 0

12:00 2025-05-16 | Коом жана турмуш

Садыр Жапаров курулуп баштаган тоо-лыжа курортуна инвесторлорду чакырды 421 0

Архив

Комментарийлер (8)

kemel81

2017-03-14 17:09:44

Коп нерсе деле сурабаптыр болчу. Гулсада эже окумоттон сураганча элден сураныз натыйжа болот. Азыркы бийликтен умут кылбаныз.

+17

altyn7776

2017-03-14 19:17:24

Мындай министрликтин барынан жогу жакшы да

+11

nuris.osh

2017-03-14 19:57:00

Ушуга окшогон министирликтердин эмне кереги бар анда көйгөй чече албаса.

nur_zhoni

2017-03-14 21:43:14

Акчпларды болбогон жака жумшашат миллион сомдорго глем албастан ушундай уй булолорго жолок пул пенся кобурок болбойбу эми ак уйдун дарбазасын алмаштырат экен ушулар тажатты министир болбой калгыла

Eldos1

2017-03-14 22:30:51

Министирликке айтылган кайран соз

Medina87

2017-03-14 23:02:51

Гулсада эже куудул Абдылда Иманкуловко аябай окшош экен.
Т.б. ; Гулсада эже белинизди бекем бууп, Кудай сизге куч-кубат берсин.
Чондордон умут жок.

sezim2010

2017-03-15 09:55:10

Телефон номерин жазып койсонуздар.

admin_portal

2017-03-15 14:11:30

sezim2010, саламатсызбы? 0778 280 397 номери аркылуу байланышсаңыз болот.

Комментарий калтыруу үчүн өз ысымыңыз менен кириңиз же каттоодон өтүңүз.