Сириянын борбор калаасында бир күн ичинде 2 теракт орун алып, 35 адам каза тапты

15-мартта Сириянын Дамаск шаарында эки теракт орун алды. Бул тууралуу чет өлкөлүк басылмалар жазып чыгышты.

Маалыматтарга ылайык, жардыруулардан улам 35 адам каза тапты. "Биринчи теракт Адилет сарайынын кире беришинде болгон. Аскердик формачан жанкечти көп адам топтолгон жерге барып, өзүн өзү жардырган. Экинчи теракт Дамасктын батыш тарабында орун алган. Жанкечти ресторанга кирип, өзүн өзү жардырган. Бул эки теракттын натыйжасында 35 адамдын каза тапканы жана 60ка жакын адамдын жаракат алганы тууралуу маалымат расмий тастыкталды", - деп жазышат басылмалар.

Автор: Нургазы Аматов
Фото: Интернеттен алынган