"Манас" кинотеатрында "Тиги-бу" кинокомедиясынын бет ачары өткөрүлдү

"Манас" кинотеатрында бүгүн, 22-мартта "Тиги-бу" кинокомедиясынын бет ачары өткөрүлдү. Тасманын ачылыш аземине кино жаатындагы белгилүү жаш актёрлор катышты.

Кинокомедияга актёр Эмил Эсеналиев менен Азим Касымов режиссёрлук кылышкан. Ал эми башкы каармандын образын Мурат Жалиев менен Эмил Эсеналиев жараткан. Тасмага Нурлан Жаныбеков менен Эмил Эсеналиев продюсерлик кылган.

Фильмге "тамашоучу" Мурат Жалиев, Самат Эркинбеков, Шумкар Бейшенбеков ошондой эле Алтынбек Ысакбаевдер тартылган.

"Бул тасма Ош жана Бишкек шаарларында тартылды. Жалпы 1 айдан ашуун убакытта тартылып жыйынтыкталды. Андан соң кадрларды монтаждоо аракеттери менен алектендик. Фильмге 20 миң АКШ долларын чыгымдадык. Бул үчүн атайын демөөрчүлөрдү таптык", - деп билдирди режиссёр Азим Касымов.

Фильмдин ачылыш аземине маданият чөйрөсүндөгү чыгармачыл инсандардан Азамат Исмаилов, Бакыт Байсариев, Санжар Мыкыев, Бакыт Осмонканов, Нурсултан Майназаровдор катышты.

Кинокомедия эки бойдок жигиттин интернеттен таанышкан кызга жолугушууга барышы менен башталат. Андан соң бойдок жигиттер менен көчөдөгү тентек жигиттердин ортосунда түшүнбөстүк чыгып, тамашалуу чырга айланат. Ошентип окуянын жүрүшү өнүгөт.

"Алдыда көрүүчүлөр үчүн жагымдуу тасмаларды тартуу аракетин көрөбүз. Бул тасманы тартууда анчалык кыйынчылык болгон жок. Ал эми фильмдин аталышы тамаша иретинде "Тиги-бу" деп өлкөдөгү сүйлөө маданиятын чагылдыруу менен, ушундай аталды. Эртең 23-марттан тартып кинотеатрларда көрсөтүлүп баштайт", - деп билдирди фильмдин режиссёру Эмил Эсеналиев.

"Тиги-бу" комедиясынын бет ачары болуп өттү

"Тиги-бу" тасмасы туура сүйлөөнү үйрөтөт

Автор: Акназар Сулайманкулов
Фото: Акназар Сулайманкулов

23:06 22-03-2017

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (5)

Ulan2601

2017-03-23 00:45:56

Жакында Индиядан отуп кетебизго 1 айда бир кино тартса!!! Понт разбор тиги бу ал сен биз,движение общения кылыш керек оюнарга келген кинолорду тарта бересинерби саны бар сапаты жок болуп!!! маданият министри каякты карап жатат?????

+11

bilbeim.dordoi

2017-03-23 07:34:37

Ulan2601,досум биз мындай коро албастык кыла берсек эчкачан онукпойбуз, сен озун бир айда эмес 5айда кино тарта аласынбы

-6

arena2014

2017-03-23 09:01:41

bilbeim.dordoi,ушундай сын болбосо эч качан онукпойбуз

-1

arena2014

2017-03-23 09:00:32

Бул кинону билбедимго ызычуу дегенди коруп азыргаче окунуп жатам кайран гана убакыт

solntse95

2017-03-23 14:48:34

arena2014,ошого тартылган актёрлор бут эле бекерчи окшойт. Мен дагы коруп алып ыйлагыдай болдум.

Комментарий калтыруу үчүн өз ысымыңыз менен кириңиз же каттоодон өтүңүз.