Кочкор районунда 2 мектептин мугалимдеринин маянасын жогорулатуу боюнча долбоор даярдалууда

20-мартта Кочкор районундагы айылдардын мектептеринде эмгектенген мугалимдердин айлык акылары кыскаргандыгына байланыштуу Семиз-Бел айылынын мугалимдери нааразылык акциясына чыгып, маяналарын мурунку калыпка келтирүүнү талап кылышкан. Эгер алардын талабы аткарылбаса, бүгүн, 31-мартта мугалимдер иш ташташмак.

Эскерте кетсек, Кочкор районунун Арсы жана Семиз-Бел айылдары бийик тоолуу аймакка кирүүгө 10 метр жетпей калган. Андан сырткары Кыргыз Республикасынын өкмөтүнүн 1997-жылы 25-июнунда чыккан 377-токтомундагы шарты катаал алыскы аймактардагы айылдардын катарына аталган айылдар кирбей калган. Мындан улам мугалимдердин маяналары эң аз дегенде 20 пайызга, көп дегенде 34,6 пайызга кыскарган.

Семиз-Бел айылынын мектебинин директору Асыл Сулайманова мугалимдерге 28-мартта Нарындагы өкмөттүн өкүлчүлүгүнүн өкүлү жыйын өткөргөнүн бүгүн, 31-мартта SUPER.KG порталына кабарлады.

"Өкүл Эмгек жана социалдык өнүгүү министрлигинен кат алып келди. Анда бул маселе 10-апрелде чечилери жазылган. Андан улам бүгүн мугалимдер кадимкидей иштешти. Эми 10-апрелдеги чечимди күтөбүз", - деди директор.

Ал эми министрдин орун басары Зууракан Каденова бул маселе боюнча төмөнкүлөрдү билдирди:

"Өлкө боюнча 377-токтомдогу бийик тоолуу аймактарда жана шарты катаал алыскы аймактарда жайгашкан айылдардын тизмесине ушундай маселе жаралган 85 калктуу конуштарды киргизүү боюнча долбоор даярдап жатабыз. Эми кийинки жумада коомдук талкууга коёбуз. Алардын арасында Кочкордогу айылдар да бар. Коомдук талкуудан кийин министрликтердеги макулдашуудан өтсө, долбоорду Өкмөт бекитет".

18:00 31-03-2017

Автор: Үмүт Абдраимова

Жазылуу

РУБРИКАДАГЫ СОҢКУ КАБАРЛАР

21:37 2024-04-25 | Саясат

Бишкек мэри Айбек Жунушалиев Кытайда иш сапары менен жүрөт 62 0

21:18 2024-04-25 | Саясат

Орусиянын Федералдык жыйынынын делегациясы Бишкектеги Өчпөс отко гүлчамбар койду 134 0

20:36 2024-04-25 | Кылмыштар, кырсыктар

Курулуш компаниясына өтүп кеткен жер салып аткан турак-жайы менен мамлекетке кайтарылды 467 0

19:58 2024-04-25 | Кылмыштар, кырсыктар

Чүйдө BMW`нын айдоочусу окуучуну сүзүп алып, качып кетти (видео) 811 0

19:33 2024-04-25 | Саясат

Жапаров менен Алиев Физули жана Агдам шаарларын өнүктүрүүнүн башкы планы менен таанышты 367 0

18:41 2024-04-25 | Саясат

Ысык-Көл округунан шайланган депутат Максатбек Сарбагышев мандатын тапшырды 1139 0

Архив

Комментарийлер (2)

tyrgon

2017-03-31 22:54:24

толошсун жешсе кыйын

Azamat_15

2017-04-01 11:34:31

Ак-Талаа району алыскы кыш айы 6 ай, шарты катаал райондордун катарына кирет бирок Ак-Тал,Куртка,Тоголок-Молдо,Ак-Кыя,Кок-Жар,Угут,Байгончок,Жаны-Тилек,Конорчок,Чолок-Кайын айылдары тоолу аймак деген статуска 5-10 метр жетпейт деп киргизбей койушкан.Ошондуктан тоолу аймака баарын киргизишсин

Комментарий калтыруу үчүн өз ысымыңыз менен кириңиз же каттоодон өтүңүз.