ЖЫЛНААМА, 4-АПРЕЛЬ: Бүгүн адам сындуу жылмайганды билген жана түш көрүү жөндөмүнө ээ келемиштердин күнү

Келемиштер - сүт эмүүчүлөрдүн арасында күлгөндү билген жалгыз жаныбар экенин билчү белеңиз?

4-апрелде дүйнө жүзүндө өзгөчө майрамдардын бири - Бүткүл дүйнөлүк келемиштер күнү белгиленет. Бул күн аталган жаныбарга көңүл буруу жана жер жүзүндөгү декоративдүү келемиштердин сүйүүчүлөрүн бириктирүү максатында 2003-жылы негизделген.

Келемиштер дагы адамдар сыяктуу түш көрүшөт

Ал эми аталган майрамды түзүү идеясы Америкадагы келемиш багуучуларга таандык. Бул күндү 4-апрелде белгилөө чечими - декоративдүү келемиштерге арналган ratlist деп аталган мурдагы интернет ресурстун ушул күнү иштеп башташына байланыштуу кабыл алынган.

Келемиштердин тиштери өмүр бою өсүп тургандыктан, тиштерин кайроо үчүн дайыма бир нерсени кемирип жүрүшөт.

Индуисттердин храмында келемиштерди ыйык жаныбар деп эсептешип, аларга сүт беришет.

Айрым маалыматтарга караганда келемиштер Жер планетасында адамдардан 48 миллион жыл мурун пайда болгон.
Орточо эсеп менен алганда, жер жүзүндөгү бир адамга эки келемиш туура келет.
Адамдын жана келемиштин муундары бирдей түзүлүштө, сөөктөрүнүн деталдарынын саны бири-бирине барабар.
Өңү боз келемиштер 80 сантиметр бийиктикке чейин секире алат. Агрессивдүү болуп турган учурда 2 метрге чейин секирет.
Бул жаныбардын жүрөгү мүнөтүнө 500 жолу согот.

4-апрелге карата жылнаама.

Автор: Саадат Токтоболот кызы