Биринчи вице-премьер-министр Боинг-747 авиакырсыгынан жабыркагандар менен жолукту

Биринчи вице-премьер-министр Мухаммедкалый Абылгазиев 6-апрелде Боинг-747 авиакырсыгынан курман болгондордун туугандары менен жолугуп, түрктөр тарабынан төлөнүүчү компенсация тууралуу маалымат берди. Бул тууралуу өкмөттүн басма сөз кызматы билдирди.

Маалыматка ылайык, Абылгазиев жакында эле Боинг-747 учагы таандык болгон "ACT Airlines" авикомпаниясынын өкүлдөрү менен жолукканда каза болгондордун туугандарына, денесинен ар кандай жаракат алган жарандарга, мамлекетке келтирилген зыяндар жана жарандардын чыгымдарын төлөп берүү тууралуу сүйлөшкөнүн эске салды.

"Биринчи вице-премьер-министр жабыркагандарга жардам берүү максатында Өзгөчө кырдаалдар министрлигинин атайын эсебине 42 миллион сомдой каражат түшкөнүн кошумчалады. Которулган сумма буга чейин авиакырсыктын жалпы чыгымдарын эсептеп чыккан өкмөттүк комиссия тарабынан аныкталган 195 миллион сомдун бир бөлүгү болуп эсептелет. Ал түрк тарап да тез аранын ичинде керектүү болгон компенсацияларды төлөп берүүгө кызыкдар экенин билдирди", - деп жазылат маалыматта.

Мындан тышкары Абылгазиев жолугушууга келгендерди комиссия жабыркагандардын бардык сунуш эскертүүлөрүн эске алуу менен ишти ачык жана таза улантарын ишендирди. Ошондой эле аларга керек болгон учурда укугун коргоого жана кызыкчылыгына байланыштуу болгон юридикалык маселелерди чечүүгө колдоо көрсөтүүлөрүн белгиледи.

Автор: Жылдыз Джускембаева

10:12 07-04-2017

Жазылуу

РУБРИКАДАГЫ СОҢКУ КАБАРЛАР

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 747 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 911 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 468 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 924 0

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3673 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 1006 0

Архив

Комментарийлер (1)

kyrgyz.kg83

2017-04-07 10:20:09

Качанга чейин тушундуруп журо беришет,ертерек беришпейби соска сала бербестен кайра кайра,уят еле елден чогулган акчаны елге бере алышпай,макул парламентке штора алгыла ошол есептен калганын бергилечи батырак

Комментарий калтыруу үчүн өз ысымыңыз менен кириңиз же каттоодон өтүңүз.