Бишкекте самса менен мантыдан 6 адам ууланды

Бишкекте көчөдө сатылган самса, мантыдан 6 адам ууланганын бүгүн, 10-апрелде Оорулардын алдын алуу жана көзөмөлдөө департаментинин тамак-аш бөлүмүн жетекчиси Токтогул Базарбаев SUPER.KG порталына кабарлады. Берилген маалыматка ылайык, өткөн айдын ичинде ууланып катталган 6 жаран тең тамак-ашты мыйзамсыз түрдө саткан жайлардан алышкан.

Адегенде тигүү цехинде иштеген 4 тургун мантыдан ууланган. Алар мантыны Ош базарындагы Бейшеналиева көчөсүндө тамак-ашты араба менен көчүп саткан соодагерлерден алышкан. Үч сааттан кийин манты жеген тургундардын 4өөндө тең уулануунун белгилери пайда болуп, Республикалык жугуштуу оорулар ооруканасына жеткирилип, дарыланышкан.

"Мыйзамсыз соода кылгандар бир күн базарга чыкса, кийинки күнү чыкпай калат. Уулангандар сатуучуну эстей алышкан жок. Мындан улам биз анын ким экенин аныктай албадык. Манты санитардык шарттары эрежеге дал келбеген үйдө даярдалып, жеке гигиена жана керектүү талаптар сакталбаган түрдө сатылган. Бул абал жарандардын ууланышына алып келген", - дейт Токтогул Базарбаев.

Мындан тышкары 1,5 жана 7 жаштагы эки бала самсадан ууланганы аныкталды. Балдардын атасы самсаны Кулиев көчөсүнөн сатып алган.

"Беш сааттан кийин балдардын дене табы көтөрүлүп, кусуп, ооруканага жеткирилген. Бул окуядан кийин уруксатсыз самса жасап жаткан жай жабылды. Жарандарды сапаты жагынан шек жараткан, санитардык нормаларга дал келбеген жайларда сатылган тамак-аштарды алуудан алыс болууга чакырып эле жүрөбүз. Бирок арзанына кызыгабы, айтор, көчөдөгү тамак-аштар баары бир сатылып жатат", - деп билдирди ал.

Ошондой эле Базарбаев жыл башынан бери сапатсыз тамак-аш сатылган 31 учур катталып, 61 жаран уулангандыгын белгиледи.

Автор: Кызжибек Раимова
Фото: Интернеттен алынды

18:21 10-04-2017

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1687 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 421 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1360 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1735 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 566 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 441 0

Архив

Комментарийлер (1)

Kroxa

2017-04-10 21:27:34

Кочодон тамак эмес эшектин эти чыкканы базардан эт алып келип тамак жасаштан коркуп калгам,,колдон келсе уйдон жасап жесек...кочодон кун жылып калды эт менен самсы, манты жебей эле койгулачы..

+10

Комментарий калтыруу үчүн өз ысымыңыз менен кириңиз же каттоодон өтүңүз.