Сүлүктү шаардык жалпы дарыгерлердин практика борборунун дарыгерлеринин айлык акысы 10-апрелде төлөнгөнүн бүгүн, 11-апрелде SUPER.KG порталына аталган борбордун башчысы Асатбек Ибрагимов кабарлады.
"Март айынын маянасы дарыгерлер үчүн кечээ, 10-апрелде которулган. Ага чейин эле которулмак, майрам күндөргө туш келип калгандыктан, кечирээк которулуп калды. Ал эми "Элдик кабарга" кызматкер өзүнүн эсептик номерин карабай туруп жиберип койгон окшойт", - деди А. Ибрагимов.
Мындан сырткары борбордун башкы бухгалтери да бул маалыматты тастыктады.
Эскерте кетсек, окурман бүгүн WhatsApp аркылуу борбордун дарыгерлерине айлык акы берилбей жатканын кабарлаган.