Казакстанда аш берүүдөгү ысырапкорчулукка каршы "жөнөкөйлөтүлгөн меню" иштелип чыкты

Казакстандын Актөбө облусунун имамдары аш берүүдөгү ысырапкорчулукка каршы "жөнөкөйлөтүлгөн меню" иштеп чыгышты. Бул тууралуу жергиликтүү басылмалар кечээ, 13-апрелде жазып чыгышты.

Менюну бекитерден мурун жергиликтүү тургундардын арасында сурамжылоо өткөрүлгөн. Ага жалпы миӊден ашуун адам катышып, алардын 85 пайызы аш берүүдөгү ысырапкорчулукка каршы экендиктерин билдиришкен.

"Майрамдоо жөнүндө сөз болуп жатканда элдин кубанычы, жайылган дасторкон көзгө тартылат. Ал эми каза болгон адамды акыркы сапарга узатууда мындай дасторкон жайган болбойт. Биринчиден, бардык эле адамдар экономикалык жактан дасторконду толтурганга шарты жок. Экинчиден, аш берүүнү майрамдоонун белгилери менен өткөргөн жагымсыз көрүнөт. Бардык диний эрежелерге ылайык ысырапкорчулукка жол берилбейт", - деген Актөбө борбордук мечитинин аксакалы Ахан Бекежан.

Жаңы менюга ылайык, облустук мечиттин алдындагы ашканада 100 кишинин чыгымы 170 миң теңгени (550 доллардын тегереги) түзөт. Анын 105 миңи азык-түлүк сатып алууга жумшалса, калганы ашкана кызматкерлерине берилет. Эрежеге ылайык, аш берүүдө стол жөнөкөй, жеткиликтүү баада жасалышы шарт. Анда мейиз, кургатылган өрүк, талкан, курут, таттуулар жана ысык тамактан эт болушу керек.

Учурда бул менюну жергиликтүү ресторандар менен кафелерге таркатуу мерчемделүүдө. Андан сырткары облустагы имамдарга ысырапкорчулуктун зыян экендиги тууралуу калк арасында диний үгүттөрдү күчөтүү тапшырылган.

Кыргыз жергесинде да аш берүүдө ысырапкорчулук кылуу салтка айланган адат. Адам каза болгондон тарта бир нече ирет аза күтүлөт: үчилик, жетилик, кыркылык, жылдык аш жана башкалар. Ар биринде мал союлуп, жыртыш таратылат.

Эскерте кетсек, Аида Салянова чиновниктердин тойлорундагы ысырапкорчулукту чектөөгө багытталган мыйзам долбоорун сунуштаган, бирок ал биринчи окуудан өтпөй калган.

Автор: Турсунай Алымкулова
Фото: Интернеттен алынган

12:58 14-04-2017

Жазылуу

РУБРИКАДАГЫ СОҢКУ КАБАРЛАР

09:15 2025-07-06 | Коом жана турмуш

Бүгүнкү күнгө карата чет элдик валюталардын курсу 203 0

09:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 4342 0

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1291 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1739 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 2137 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1916 0

Архив

Комментарийлер (9)

Kroxa

2017-04-14 13:15:20

Туура ысырапкорчулуктун кереги жок..момо жемиш,нандын турлору койулса эле болот го..анан эт тартылат созсуз мал союулат ашка...

+12

ekaterinburg

2017-04-14 13:37:48

Бизде дагы ушул маселени которушсо...Чынында ошондой да.Акчасы аздар аш откором деп кредитке да олтургандар бар.Анан айлап-жылдап толойт аны.

+12

meni_kut

2017-04-14 13:43:06

казактар жакшы колдоптур,а бизде Чубак ажы ысырапкерчиликти жоелу десе,сразу жаман корушот,бул ата бабадан келген салт да деп.Ошондо биз кыргыздар артка карап онугобузбу?

+10

KGstan1981

2017-04-14 14:00:33

Ысырап бул адал жолдон арам жолго отуу дегенди тушундурот.Ошону дагын билип койгула момун мусулмандар.Ысырап бир эле тойдо чачып тогуу эле эмес.Мисалыга айтып кетсем Россияда кыштын кунундо орусстар иттерине жылуу кийим жада калса пут кийимди дагын кийгизип коюшат экен бул дагын туугандар ысырапкерчиликке кошулат.Кээбир саркечтердин(модага кызыккандар) ошончолук кийимдери коп экен гардеробтору бир комнатаны ээлейт экен бул дагын ысырапкерчилике кошулат.

KGstan1981

2017-04-14 14:13:40

Ысырапкерчилик айрыкча биздин кыз келиндерибизге дагын тийиштуу.Дамский сумкаларын карасан толтура порфюмерия.Бир жаны кийим мода б-п чыкса эле шопинг этишип сатып алышат.Жогоруда жазып кеткенимдей гардеробтору бир комнатаны ээлешет.Акыретте ошол ашыкча кийиминерге дагын жооп сурак бересинер.

lady.girl7997

2017-04-14 14:29:51

KGstan1981,куйосу жакшы тапса алып беретда

KGstan1981

2017-04-14 14:42:19

lady.girl7997,Кээде жигит тоо минет,кээде жигит жоо журот.

aliko78

2017-04-14 15:18:23

Ысырапкерлик бизде да ото чон маселе. Муну мамлекеттик денгээлде чечиш керек. Элге койсон бири укса бири укпай журо беришет.

nuri2605

2017-04-14 15:40:42

Бизде дагы ысырапкерчиликке чектоо коюлса жакшы болоор эле.

Комментарий калтыруу үчүн өз ысымыңыз менен кириңиз же каттоодон өтүңүз.