ЖЫЛНААМА, 15-АПРЕЛЬ: Орус эстрадасынын примадоннасы Алла Пугачёва 68 жашка толду

Легендарлуу ырчы Алла Пугачёва 68 жашка толду. Ал 1949-жылы 15-апрелде Москва шаарында төрөлгөн. Бала кезинен эле музыкага шыктуу болуп, өзгөчө ырга жакын болгон. Мектепте окуп жүргөндө бир топ кечелерде ырдаган, бүтүрүүчү катары 1965-жылы бүткүл союздук радионун "Кутман таң" берүүсүнөн "Робот" деген ырды ырдап чыккан. Бул Алла Пугачёванын музыка дүйнөсүнө чындап кирип, эл арасына жаңырган биринчи чыгуусу болгон.

Мындан соң анын музыкага болгон сезими ойгонуп, Ипполитова-Иванова атындагы Москва мамлекеттик окуу жайын дирижёр-хордук факультетинен билим алган. Көптөгөн концерттерде ырдап жүргөн. 1980-жылдары "Рецител" тобу түзүлүп, анын солисти катары бир кыйла ырлары менен эл арасында анын карааны алыстан көрүнө баштаган. Бул топ түзүлгөнгө чейин эле анын "Москвичи", "Новый электрон" деген ырлары калың катмарга сиңип, бул ырсыз кечелердин көркү болбой калган.

Ал эми алгачкы ийгиликтери жөнүндө айта турган болсок, 1975-жылы өткөн "Золотой Орфей" фестивалына Алла Пугачёва "Все могут короли" ыры менен катышып, гран-прини жеңип алган. Буга катар 1978-жылы "Сопот-78" деген аталыштагы сынак өткөрүлүп, мында да гран-принин ээси болгон.

Ошондон улам Алла Пугачёва хит ырларды аткарып, атагы алыска тарап, ар кандай сынак, фестивалдарды жеңип, көптөгөн сыйлык, наамдарды багындырып, 1991-жылы СССРдин Эл артисти наамына арзыган.

Жеке жашоосу

Алла Пугачёва 5 ирет турмушка чыккан. Миколас Орбакас (1969-1973), Александр Стефанович (1977-1980), Евгений Болдин (1985-1993), Филипп Киркоров (1994-2005), Максим Галкин (2011-жылдан бери). Биринчи никесинен белгилүү ырчы Кристина Орбакайте төрөлгөн. Максим Галкин жана Алла Пугачёва карын эненин жардамы менен Гарри жана Елизавета аттуу уул, кыздуу болушкан.

15-апрелге карата жылнаама.

Автор: Саадат Токтоболот кызы
Фото: Интернеттен алынды

09:38 15-04-2017

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (2)

Badu88

2017-04-15 10:58:21

Карыптыр байкуш

Medina87

2017-04-15 17:38:10

Ооо менин бала кезимдеги Арлекино, То ли ещё будет, Все могут короли, Айсбергди ырдаган кумирим эле. Олло АЛЛАнын фанаты элем))))
Туулган куну куттуу болсун!!

Комментарий калтыруу үчүн өз ысымыңыз менен кириңиз же каттоодон өтүңүз.