"390 айылда таза суу жок экени өкмөттүн отчётунда 10 жылдан бери жазылат” деп сындашты депутаттар

Кыргыз Республикасынын 390 айылында таза суу жок экени өкмөттүн отчётуна 10 жылдан бери жазылат. Бул тууралуу 21-апрелде "Ата Мекен" фракциясынын жыйынында депутат Сайдулла Нышанов билдирди.

Өкмөткө караштуу Архитектура, курулуш жана турак жай коммуналдык чарба агенттигинин статс-катчысы Самат Бөрүбаев билдиргендей, 2016-жылы Кыргыз мамлекетинин 8 айылы таза суу менен камсыздалды. Ага 80 миллион 600 миң сом жумшалган.

Депутаттар өкмөттүн планына ылайык, 2026-жылга чейин өлкөнүн бардык айылдары таза суу менен камсыздалууга тийиш экенин айтып жатышат.

Белгилей кетсек, аталган фракция 2016-жыл боюнча өкмөттүн отчётун угуп жатат.

Автор: Жылдыз Джускембаева