Жолдошу 3 баласы менен таштап кеткен Алтынайдын тагдыры SUPER.KG порталына жарыяланган соң, кайрымдуу адамдар жардам беришти

Юсуп Сайпиев

Алтынайдын үйү оңдоп-түзөөдөн өткөнгө чейин

Алтынай буга чейин ушундай шарты жок жайда 3 баласы менен жашап келген.

Жолдошу 3 баласы менен таштап кеткен Алтынай жашаган вагон оңдоп-түзөөдөн өтүп, кайрымдуу жарандар ага эми жылуу үйдүн ачкычын тапшырышты. Мындай жагымдуу кабарды Алтынай өзү SUPER.KG порталына билдирди.

"Башында бардык фонддорго барып жүрүп эч кандай пайда болгон эмес. Анан коӊшуларым SUPER.KG порталына кайрылып көрсөӊ деп калды. Бирок көп деле үмүттөнгөн эмесмин. Эл бар экен. Кайрымдуу жарандар үйдү толугу менен оӊдоп-түзөөдөн өткөрүп, жылуулап, эки уулума жана кызыма өзүнчө бөлмө кылып беришти. Башында шарты жок бир эле бөлмөдө жашачумун. Баарына рахмат", - деп сүйүнгөн Алтынай көзүнө жаш алды.

Сырты кыш менен тосулган вагондун ичи-тышын оӊдоп түзөө үчүн 17 күн убакыт талап кылынган. Эшик, терезе, чатыр кайрымдуу жарандардын эсебинен бекер берилген.

Ак-Өргө конушундагы борбордук мечиттин имамы, Юсуп Сайпиев Алтынайга кандайча жардам берип калганын айтып, буларга токтолду.

"SUPER.KG порталына Алтынайдын тагдыры жөнүндө репортаж чыккандан кийин телефон номерин алып байланышып, жолуктум. Үйүн келип көргөндөн кийин эле ишке кириштик. Элден чогулган 40 миӊ сом усталарга, үйгө керектүү идиш-аяк, буюмдарга жумшалды. Эми төрт тоок, эки мүшөк жеми менен алып берели деп турабыз", - дейт ал.

Белгилей кетсек, март айынын аягында 3 баласы менен шарты жок вагондо күн кечирген 25 жаштагы Алтынай аттуу кыз тууралуу чагылдырганбыз. Ал бизге өзүнүн аянычтуу тагдыры менен бөлүшүп, жолдошу 3 баласы менен ара жолго таштап кеткенин кошумчалаган. Кайрымдуу адамдар Алтынайдын үй маселеси боюнча тилегин 1 айга жеткирбей орундатып беришти.

13:34 24-04-2017

Вагондо жашаган келиндин үйү оңдоп-түзөөдөн өттү

Автор: Максат Орозумбетов
Фото: Максат Орозумбетов

Жазылуу

РУБРИКАДАГЫ СОҢКУ КАБАРЛАР

22:00 2024-04-23 | Саясат

Акылбек Жапаров Орусиянын Ленинград облусунун губернаторун кабыл алды 431 0

21:29 2024-04-23 | Саясат

Бишкек мэри коомдук транспорттон күнүнө канча акча түшөрүн айтты 1127 0

20:57 2024-04-23 | Кылмыштар, кырсыктар

"145 миң долларга алдап кеткен". Бишкекте iPhone үлгүсүндөгү телефондорду алып, из жашырып кеткен жаран кармалды 898 0

20:14 2024-04-23 | Саясат

Кыргызстан менен Монголиянын парламенттери ортосундагы Кызматташуу боюнча комиссиянын регламентине кол коюлду 330 0

19:49 2024-04-23 | Бизнес-Инфо

“Миллиондор оюну” акциясынын алкагында жаңы миллионерлер жана жеңүүчүлөр аныкталды 782 0

19:01 2024-04-23 | Саясат

ЕАЭБде бир катар бажы алымдарына нөлдүк ставканын мөөнөтү узартылды 435 0

Архив

Комментарийлер (15)

Oylonkyrgyzym

2017-04-24 13:44:58

Юсуп дамылаго.Аллах раазы болсун сизден.
Илими да өтө күчтүү бул кишинин.

+16

meni_kut

2017-04-24 14:45:01

Oylonkyrgyzym,кана молдолорго асылган revolyusiysa2,мындайда дымы корунбой калат.Тим радикал деп баштачу эле

+14

Asman...

2017-04-24 13:45:57

АллаХ ыраазы болсун кайрымдуу адам дардан. Сиздерге Алла жардам берсин. Көзүмө даш келип кетти.

AIZAD

2017-04-24 13:48:15

Куйоосу келип алса керек,уялбай.

+13

isnur93

2017-04-24 13:56:59

Куйоосу жыртайып кирип келбесе эле эми,келсе киргизбеш керек.Кыргызда бирок атасыз осуп калат деп коп нерсени коздон откоруп коет,андай кылбай киргизбей эле коюшсун.

+13

anash

2017-04-24 14:12:13

Allah yraazy bolsun!kozumo jaw keldi... .

Zizika88

2017-04-24 14:14:10

Балдары бир жакшынакай экен омурлорун берсин,апсына куйумдуу балдар болуп чонойсун.

Ayida

2017-04-24 14:54:41

Эми Алтынай намаз оку шарт бар.Дуа кыл коп коп баары жакшы болот ИншаЛлах

murat88

2017-04-24 15:33:34

ушундай элге кереги тийген инсандар көбөйө берсин.

Salman.eldar

2017-04-24 16:20:18

аябай кубанычтамын! мага жасагандай болду. элибиз кыйналбай жашаса экен. Кудайга шугур!

Kroxa

2017-04-24 17:43:39

Алла раазы болсун..кыргыз кыргызды кыйын кезенде да таштаган эмес бар бол кыргыз элим!!!

maks94.kb

2017-04-24 17:47:36

Ошондо бул уй Алтынайдын озунуку болуп калдыбы туугандар
Жардам берген мекендештер Аллах ыраазы болсун

kaniulia

2017-04-24 20:54:46

Жаратканыбыз озу жардам берди десе болот,ар бир пенде себеп болот.

deva

2017-04-25 12:23:36

Көзүмө жаш алып көрдүм бул видеону. Жардам бергендерге Алла Таалам жакшылыкты, ыйманды эселеп берсин. Араңарда стоматолог болсоАлтынайдын тишин да оңдоп берсеңер жакшы болот эле. Анткени эне болгондо көп айымдарды тиши бузулат эмеспи.

Dadasdasd

2017-04-26 11:53:14

deva, Саламатсызбы . Ооба бир жакшы тиш стоматолог менен суйлоштум. Баарын жакшы кылып жасап берем деди. Ал кайрымлуу инсан.

Комментарий калтыруу үчүн өз ысымыңыз менен кириңиз же каттоодон өтүңүз.