Өкмөт башчы жер көчкү түшүп 13 үйдү басып калган Жалпак-Таш айылына барды

Бүгүн, 1-майда премьер-министр Сооронбай Жээнбеков Ош облусунун Өзгөн районундагы жер көчкү түшүп, 13 үйдү басып калган Жалпак-Таш айылына, ошондой эле Куршаб айыл аймагынын Шагым айылындагы жер көчкү түшүү коркунучу бар Көлмө айылына барды. Бул тууралуу өкмөттүн басма сөз кызматы билдирди.

Маалыматка ылайык, буга чейин Жалпак-Таш айылынын бардык жашоочуларына жер көчкү түшүү мүмкүндүгү жана коопсуз жайга көчүү жөнүндө эскертилген, аларга 15 чатыр орнотулуп, медициналык пункт иштеп жатат. Ошондой эле азыркы учурда 62 үй жана төрт социалдык объект – мектеп, бала бакча, мечит жана ФАП кооптуу жайда жайгашканы белгилүү болду.

Премьер-министр Сооронбай Жээнбеков тийиштүү мамлекеттик мекемелер тарабынан жергиликтүү жашоочуларга колдоо көрсөтүү жана коопсуздугун камсыз кылуу үчүн бардык чаралар кабыл алынарын билдирди.

Автор: Нургазы Аматов