Баткен. Баткендеги Жеңиш майрамы

Майрамга күбө болгон көпчүлүк

Атайын даярдалган концерттик программа

Улуу Ата Мекендик согуштун ардагерлерине аскердик ботко берилди

Майрамдык салтанаттан бир кадр

Жеңиш күнү аскердик парад менен толукталды

Майрамдык салтанаттан бир кадр

Аскердик техникалардын парады

Улуу Ата Мекендик согуштун ардагерлери - Жеңиш күнүнүн башкы каармандары

Мамлекеттик гимн жаңырууда

Облус башчысы Жеңиш Разаков баштаган жергиликтүү бийликтин өкүлдөрү

Бүгүн, 9-майда Баткен облусунун бардык район-шаарларында Улуу Жеңиштин 68 жылдыгы белгиленди. Майрамдык салтанат Улуу Ата Мекендик согушта курман болгон баатырларга арналып тургузулган эстеликке гүлчамбар коюу менен башталды. Андан соң борбордук стадиондо иш-чара расмий түрдө ачылып, облус башчысы Жеңиш Разаков Улуу Ата Мекендик согуштун ардагерлерин жана жалпы Баткен элин бүгүнкү майрамы менен куттуктады. Аскердик парад, концерттик программа менен коштолду майрамдык кече. Ардагерлер үчүн атайын чатырлар тигилип, аскердик ботко берилди. 90 жаштагы Улуу Ата Мекендик согуштун ардагери Дыкан Калбаев төмөнкүлөрдү билдирди:

"Бүгүн өзүбүздү жаш аскердей сезип жатабыз. Жеген тамагыбыз да, отурган ордубуз да ошол бойдон тургандай. Майрам жакшы өтүп жатат. Айтарым, дүйнөдө эч качан согуш болбосун. Элибиз дайыма тынчтыкта, бейпилдикте жашасын".Айта кетсек, Баткен облусу боюнча Улуу Ата Мекендик согушка 22 000ден ашуун аскер аттанган болсо, анын ичинен 6700 аскер гана мекенине кайткан. Былтыр Жеңиш майрамын белгилөөгө Баткен облусу боюнча 200 ардагер катышкан болсо, бүгүнкү күндө облуста 102 согуш ардагери калган.

Автор: Бегайым Тажибай кызы
Фото: Дастан Жумашов