Баткен облусундагы 5 согуш ардагерине автоунаалар белекке берилди

Баткен облусундагы 5 согуш ардагерине Улуу Жеңиш күнүнө карата жаңы Жигули-07 үлгүсүндөгү автоунаалар берилди. Бул тууралуу Баткен облустук администрациясынын ыйгарым укуктуу өкүлүнүн уюштуруу бөлүмүнүн башчысы Алимбек Макмуратов бүгүн, 9-майда SUPER.KG порталына билдирди.

"Жергиликтүү бюджеттин эсебинен жана демөөрчүлөрдүн кошумчасы менен Лейлек районунун Кулунду айылынын эки ардагерине, Баткен районундагы Дары айыл өкмөтүнүн бир ардагерине жана Баткен шаарынын эки ардагерине автоунаалар белекке берилди", - деди ал.

Анын айтымында, буга чейин согуштун катышуучуларына акчалай белектер берилип келген.

Автор: Саадат Токтоболот кызы