Президент менен өкмөт башчы Өзгөн, Чоӊ-Алайдагы табият кырсыктарынын кесепетин талкуулашты

Табият кырсыгынан жабыркагандарга жардамды күчөтүү керек. Бул тууралуу 11-майда президент Алмазбек Атамбаев премьер-министр Сооронбай Жээнбеков менен жолугушууда билдирип, калыбына келтирүү иштерин өз маалында бүтүрүүнү буюрду.

Атамбаев табият кырсыктары жооптуу органдардын ишиндеги кемчиликтерди ачыктаганын, чукул кырдаалдардын алдын алууда эскертүүлөрдү күчөтүү зарылдыгын айтат.

Президент менен премьер Өзгөн, Чоӊ-Алай райондорундагы көчкү жана жер титирөөдөн жабыркагандарга жардам көрсөтүү ишин талкуулады. Жээнбеков үйү жабыркаган жарандар коопсуз жайга көчүрүлгөнүн, убактылуу баш калка менен камсыздалганын маалымдады. Социалдык мекемелерди калыбына келтирүү иштери жүрүп жатканы айтылды.

Автор: Автандил Добулбеков