"ЭЛДИК КАБАРга" жооп: Бишкектин Москва жана Калык Акиев көчөсүнүн кесилишине орнотулган ажаткана алынды

Бишкектин Москва жана Калык Акиев көчөсүнүн кесилишине орнотулган ажаткана алынды. Бул тууралуу бүгүн, 12-майда SUPER.KG порталына Ленин районунун акиминин социалдык иштер боюнча орун басары Аскат Карынбаев билдирди.

"Учурда Калык Акиев көчөсүндө жолду оңдоо иштери жүрүүдө. Жолго асфальт төшөө иштерине даярдыктар көрүлүп жаткан. Оңдоо иштерин жүргүзүп жаткан жумушчулар жол четинде турган убактылуу ажаткананы жолго жылдырып коюшкан. Анткени жол четиндеги жер алдынан өтүүчү жылуулук түтүктөрү оңдоого тоскоолдук жараткан. Бул ажаткана жол ортосуна жылдырылган, бирок пайдаланылган эмес", - деп билдирди Карынбаев.

Эске салсак, 11-майда окурман Элдик кабарга "Бишкектеги Москва жана Калык Акиев көчөлөрүнүн кесилишинде ажаткана турат" деп маалымат берген.

Автор: Акназар Сулайманкулов