ӨКМ: "Өлкө аймагында 16-майдан 19-майга чейин нөшөрлүү жамгыр жаап, сел жүрүшү күтүлөт"

19-майга чейин өлкө аймагында нөшөрлүү жамгыр жаап, сел жүрүшү күтүлөт. Мындай маалыматты бүгүн, 16-майда Өзгөчө кырдаалдар министрлигинин басма сөз кызматы билдирди.

Маалыматка ылайык, 16-майдан 19-майга чейин күтүлүп жаткан жаан-чачынга байланыштуу республиканын тоолуу аймактарында жана тоо этектериндеги райондордо сел жүрүшү мүмкүн. Дарыяларда суунун деңгээли көтөрүлүшү күтүлөт. Тоолуу райондордо кар жаашы ыктымал.

Айрым жерлерде батыштан соккон шамалдын ылдамдыгы секундасына 17-22 метрге жетет. Мындай туруксуз аба ырайы автоунаа кыймылын, энергетика жана коммуналдык кызматтардын ишин жана жайыттарда малды кармоону кыйындатат.

Автор: Акназар Сулайманкулов
Фото: Интернеттен алынды