Бишкекте эксперттер президенттик шайлоого карата үгүт жүргүзүү жолдорун талкуулап жатышат

Бишкекте 16-майда Саясий укуктук изилдөө борборунда президенттик шайлоого карата үгүт жүргүзүү иштери боюнча талкуу өтүүдө. Медиа эксперт Азамат Тынаев уюштурган талкууга Борбордук шайлоо комиссиясынын мүчөсү Атыр Абдрахматова менен PR-адис Гүлнура Төралиева катышып жатат.

"БШК президенттик шайлоого карата үгүт жүргүзүүгө киришкен айрым партияларга сунуш-пикирин айтты. Президенттик шайлоо күнү али дайындала элек, бирок айрым талапкер болчулар үгүт иштери боюнча БШКга кайрылууга үлгүрдү", - деди Абдрахматова.

Эскерте кетсек, БШК буга чейин айрым саясий күчтөр мөөнөтүнөн мурда үгүт жүргүзүп баштаганын билдирип, партияларды мыйзамдын талаптарын аткарууга чакырган.

Автор: Автандил Добулбеков