СУПЕРСТАН: "Эркек аялга караганда бир тепкич өйдө турушу керек. Болду!"

SUPER.KG порталынын "Суперстан" бөлүмүндө "Үй-бүлөдөгү эркек менен аялдын укугу тең дегенге кандай карайсыңар?" деген тема талкууга алынууда.

Темадагы билдирүүлөрдөн:

"Эркек аялга караганда бир тепкич өйдө турушу керек. Болду!"

"Албетте, аял менен эркектин укуктары тең болушу керек, биз эски адамдар эмеспиз да, жашоо күндөн-күнгө өзгөрүп, өнүгүп жатат. Мурун эркектер аялдарды 2-орунга коюшчу эле, азыр аялдар керек болсо кээ бир эркектерден көп акча таап, үй-бүлөсүнө, туугандарына, элине, жерине чоң жардам алып келип жатышат. Мурун аялдар иштебей, окубай, үйдө балдарын багып эле отурушчу, азыр баары өзгөрдү".

"Эркек табиятынан лидер болуп жаралган. Аны аялдар эч качан түшүнбөйт жана түшүнгүсү да келбейт. Эркек баш болгон үй-бүлө дайыма бекем болот. Алгач кыздын ата-тегин сурайт, ата-теги жакса анан апасына карайт. Кыздын жакшы-жаманга турмушка чыгуусу да атасынын кадыр-баркына байланыштуу болот".

"Аял менен эркек үй-бүлөдө тең укуктуу. Болгону аны туура түшүнүү керек. Эркек - үйдүн башчысы, коргоочусу. Үй-бүлөнүн кем-каржысын толуктап, үй-бүлө мүчөлөрү менен кеңешип, акыркы чечимди кабыл алган адам. Аял - анын кеңешчиси, жардамчысы, колдоочусу. Жолдошунун, өзүнүн тапкандарын сарамжалдуу пайдаланып, тууган-туушкан, дос-жары менен мамилени чыңдаган адам. Ар кимисинин милдети гана ар башка. А кээ бири аны туура түшүнбөй "бизнес айымыбы" же калп "баатырбы" болгусу келгендерден сурасаң тең укуктуулукту башкача түшүнүшөрү бештен белгилүү эмеспи".

"Эркек менен аялга тең укук керекпи же адилеттүү укук керекпи? Мисалы, бука менен жер айдаса болот, уй менен да жер айдаса бул адилеттүүлүк эмес. Исламда эркектин милдеттери: адал тамак алып келүү, үй менен камсыз кылуу, батир болсо да, кийим менен камсыз кылуу, эркектик милдетин аткаруу. Аялдын милдеттери: келечекте эл башкара турган балдарды тарбиялоо, эри жокто анын намысын жана мүлкүн сактоо, эри чакырган убакта баруу болуп эсептелет".

"Мен жолдошумду аттап өткүм келбейт, ал баары бир кандай кырдаал болбосун, менден бийик болушун каалайм".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

15:53 17-05-2017

Жазылуу

РУБРИКАДАГЫ СОҢКУ КАБАРЛАР

21:06 2025-06-26 | Түркүн дүйнө

Эл аралык космостук станцияга биринчи жолу Индия, Венгрия жана Польшанын астронавттары барышты 166 0

20:32 2025-06-26 | Түркүн дүйнө

60 күн керебетте жатышат. NASA салмаксыздыкты изилдөө үчүн ыктыярчыларды издөөдө 409 0

19:52 2025-06-26 | Саясат

Президент мектептерде мобилдүү түзүлүштөрдү пайдаланууну жөнгө салуу боюнча мыйзамга кол койду 345 0

19:21 2025-06-26 | Коом жана турмуш

"Мадина" базарындагы бир нече коомдук тамактануучу жай жабылды 561 0

18:58 2025-06-26 | Саясат

Мамлекеттик катчы БУУӨПтүн Кыргызстандагы туруктуу өкүлү менен жолугушту 222 0

18:27 2025-06-26 | Түркүн дүйнө

Франциядагы бороон: Эки адам каза болуп, 100 миңден ашуун имарат жарыксыз калды (видео) 820 0

Архив

Комментарийлер (3)

Djal1987

2017-05-17 16:35:37

Аял бир кадам арта болуш керек дешет туура эмес. Эркек бир кадам арта болуш керек. Бирок азыр кечиресинер эле болуп баратат эркектер.

barakcha

2017-05-17 16:40:14

Эркек баардык жактан уй-булосун камсыздап турса эле бир эмес он тепкич ойдо тура берсин!А бирок,арак ичип алып уй-булосуно кордук корсоткону аз келгенсип,аялынын тапкан тергенин ичип ХХХ жата берген эркектер кечиресинер...

cholpon119966

2017-05-17 18:20:45

Эркектерибиз оз милдетин (жолдоштук, аталык) аткарып туз жолдо озун татыктуу алып журсо биз жон эле эки уч тепкич ылдыйда тура беребиз.

Комментарий калтыруу үчүн өз ысымыңыз менен кириңиз же каттоодон өтүңүз.