ӨКМ: "Ноокенде Кара-Үңкүр дарыясынын суусу жээктен ашып кетүү коркунучу жоюлду"

Ноокенде Кара-Үңкүр дарыясынын суусу жээктен ашып кетүү коркунучу жоюлду. Бул тууралуу бүгүн, 17-майда Өзгөчө кырдаалдар министрлигинин басма сөз кызматынан билдиришти.

"Кара-Үңкүр дарыясынын оң жээгине курулган дамбанын 50 метр аралыгын суу жеп, ашып кетүү коркунучу жаралган. Бүгүнкү күндө тосмону бекемдөөгө 4 инженердик техника жана жергиликтүү тургундар тартылган. Кооптуу абал жаратып жаткан коргоочу дамбаны таш менен бекемдөө жумуштары аткарылып коркунуч жоюлган. Учурда бекемдөө жумуштары уланууда", - деп билдирди басма сөз кызматы.

Маалыматка ылайык, аталган дамба Ноокен районунун Арал айыл аймагына караштуу Арал участкасында ӨКМнын Сел жана суу ташкындардан коргоо бөлүмүнүн балансында турган.

Автор: Акназар Сулайманкулов
Фото: ӨКМдин басма сөз кызматы