Шамиль Атаханов: "2012-жылы экстремисттик аракеттер боюнча 130 кылмыш иши козголгон"

2012-жылы өлкөдө экстремисттик аракеттер боюнча 130 кылмыш иши козголуп, 172 адам кармалган. Ошондой эле 7983 диний-экстремисттик материалдар колго түшкөнүн 13-майда ЖКнын Коргоо жана коопсуздук боюнча комитетинин жыйынында Коргоо жана коопсуздук боюнча вице-премьер-министр Шамиль Атаханов билдирди. Айтымында, экстремисттерди кармоодо укук коргоо органдары көптөгөн иштерди жасашты. Ошондой эле диний мекемелер кайрадан каттоодон өттү.

“Республикада 2273 мечит, 192 намазкана, 74 медресе, христиандык багыттагы 320 мекеме, 46 православдык чиркөө жана 42 жаңы диний багыттагы мекемелер бар экени белгилүү болду”,- деди Атаханов.

Автор: Ширин Жумадилова