Мамкаттоо кызматы: "Өлкө боюнча 12 миң жарандын жеке номери туура эмес, бул көйгөйдү чечүүнү депутаттар колдогон жок"

Кечээ, 19-майда укук коргоочу Рита Карасартова Чүй облусуна караштуу Сокулук районунун тургуну Айкүмүш Алиевага туура эмес жеке номер (ПИН) берилип калганын айткан.

Мамлекеттик каттоо кызматынын өкүлү Мелис Эржигитов SUPER.KG порталына бүгүн, 20-майда өлкө боюнча мындай көйгөйгө 12 миң жаран кабылганын билдирди.

"Жарандарга жеке номерди Социалдык фонд берип жүргөн кезде 12 миң адамга туура эмес берилип кеткени аныкталган. Андыктан, 2016-жылдын 15-августунан тарта жеке номерди берүү милдетин Мамкаттоо кызматы өз моюнуна алган. Жеке номер жаранга өмүрүндө бир гана жолу берилет, мыйзамга ылайык, аны өзгөртүү мүмкүн эмес. Бул көйгөйдү чечүү үчүн тиешелүү мыйзамга өзгөртүү киргизилиши керек. 12 миң жарандын жеке номерин тууралоо максатында Жогорку Кеңешке мыйзамга өзгөртүү киргизүү долбоорун жибергенбиз. "Бизге бир гана жолу 12 миң жарандын жеке номерин өзгөртүүгө мүмкүнчүлүк бергиле" десек, сунушубуз саясатташтырылып, депутаттар колдоо көрсөтпөй, долбоорду ушул жылдын башында кайра кайтарып салышкан. Депутаттар колдошсо, жарандардын жеке номерлерин тууралап бермекпиз, аны оңдоо техникалык жактан мүмкүн. Бул маселени бир гана депутаттар долбоорду колдошсо чечсе болот", - деди Мелис Эржигит уулу.

Ошондой эле ал шайлоо учурунда колдонулчу жабдуулар жарандарды сүрөтү же манжаларынын тактары менен аныктай албай калса, жарандын өздүгү жеке номер аркылуу аныкталарын маалымдады. Бул көйгөй жеке номери туура эмес болгон 12 миң жарандын биринде кездешсе, ал добушун берүү укугунан ажыратылары анык.

Автор: Үмүт Абдраимова

10:23 20-05-2017

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (5)

Sagyn.91

2017-05-20 10:59:27

Окунучтуу! Жок дегенде ушуну туура жаза албасак анда ????

frunze12

2017-05-20 11:39:59

Ошол катага жол берген жооптуу адамдар дагы эле жооптуу кызматтарда иштеп журот, жазаланбай эле...

Окуянын экинчи тарабы бар, учурда белгилуу суммада пара алып инн номерлерин каттоо болумунун кызматкерлери озгорткон фактылар бар, пара берген жарандын аты-фамилиясы гана эмес, туулган куну, жайы, инн номерин кошо озгортулгон. Ошондой жарандардын канчасы бар соз болгон 12мин адамдын ичинде?!! Балким тен жарымы ошондой жарандар чыгаар?!!

Nevestkaa

2017-05-20 12:09:49

Өтө жакшы окугандыктын жыйынтыгы.Мамлекеттик жооптуу кызматта иштеп номерлерди туура жаза албасаңар....сөз жок силерге.Жоопко тарткыла бизге окшогон карапайым калкка иштейт законуңар.

altyn7776

2017-05-20 13:24:39

12000 ?! Олдунор го бир жолу! Коррупцияга малынып. Биерде атайы туура эмес берилген.Себеби паспорттогу фамилияны озгортуп кайра Россияга, чет олколорго баргандарды ошол олколорго Миграция кызматы пин коддордон билип жаткан. Акчанын кучу "олоорчо жеп тойгончо карганат" кылып жатат да буларды, тооба

fun84

2017-05-21 17:42:15

Депутаттар колдошсо, жарандардын жеке номерлерин тууралап бермекпиз, аны оңдоо техникалык жактан мүмкүн. Бул маселени бир гана депутаттар долбоорду колдошсо чечсе болот", - деди Мелис Эржигит уулу.
https://www.super.kg/mobile/kabar/news/188635/ Дагы эле толук эмес

Комментарий калтыруу үчүн өз ысымыңыз менен кириңиз же каттоодон өтүңүз.