Баткен районундагы Бужум мектебинде ууланган окуучулардын абалы учурда жакшы

Баткен районунун Бужум айылындагы Бужум мектебинде бир окуучунун тентектигинен ууланган окуучу кыздардын абалы учурда жакшы. Бул тууралуу бүгүн, 20-майда SUPER.KG`ге аталган мектептин директору Таштемир Тагайбеков билдирди.

"Учурда окуучулардын абалы жакшы. Дарыгерлер дагы бир аз дарылансын деп ооруканада калтырышты. Ал эми тентек кылган окуучуга карата атайын тарбиялык түшүндүрүү иштери жүргүзүлөт", - дейт Таштемир Тагайбеков.

Белгилей кетсек, 19-майда Баткен облусунун Бужум айылындагы орто мектепте билим алган жети окуучу химиялык затка ууланып, ооруканага түшкөнү белгилүү болгон.

Автор: Турсунай Алымкулова
Фото: Алымбек Матмуратов