Талас. Манас күнүнө карата класстык сааттар өтүлдү

Бүгүн Талас шаардык А.Чолпонкулов атындагы №1-мектепте Манас күнүнө карата класстык сааттар өтүлдү. Бул иш-чарага Талас шаардык билим берүү бөлүмүнүн башчысы Керимбаев Байыш Жээнбекович катышып, окуучуларга ийгиликтерди каалады. Мектептин директору Жарманбетова Самара Урусовна кыргыз элинин сыймыгы болгон "Манас" эпосун келечек муундарга кеңири жайылтуу иретинде Манас сабагынан тышкары мектепте, башка шаардык мектептерде уюшула элек “Манас” көргөзмө залы, Манас кабинети менен тааныштырды. Ошону менен бирге эле кыргыз адабиятынын алпы Ч.Айтматовго арналган Ч.Айтматов көргөзмө залы да бар экенин көрдүк. Директор алдыда Жеңиш күнүнө карата да көргөзмө залын даярдасак деген максаты бар экенин айтып өттү.

Автор: Нургүл Чабдарова