Интернетте кызуу талкууга алынган "Албарсты" тасмасы тар чөйрөдө көрсөтүлдү (фоторепортаж)

Тартуучу топ

Бүгүн, 31-майда Бишкектеги "Манас" кинотеатрында интернетте чуу жараткан, кызуу талкууга алынган "Албарсты" тасмасынын бет ачары болуп өттү. Ага тартуучу топтун өкүлдөрү, атайын чакырылган коноктор жана башкалар катышышты. Тасмада Данияр Байкожоев, Тургунай Эркинбекова, Эльдияр Эркинбек уулу жана башкалар роль жаратышкан.

Режиссёр Бакыт Асылбек уулу аталган тасма тууралуу мындай дейт:

"Албарсты жөнүндө кино тартуу идеясы элдики. Буга чейин бир топ адамдар кино тартабыз деп, бирок ишке ашырышкан эмес. Кыргызда коркунучтуу тасма тартуу жайылган эмес, бирок биз тобокелдикке салып, тартып койдук. Тартканга жараша аны жарнамалоо иштерин өзгөчө жүргүзгөнгө аракет кылдык.

Тартуу учурунда коркуп жаттык, бирок "албарсты мени басты, анан мен аны бастым" деп ырдап жаттык. Ошентип бул ырга айланып кетти. Тасма олуттуу драма болгондуктан албарсты жөнүндөгү тамашалуу ырды кошкон жокпуз. Элге жакса, уландысын да тартабыз", - дейт режиссёр күлүп.

Тасманын режиссёру Бакыт Асылбек уулу

Башкы каарман Данияр Байкожоевдин айтымында, бул анын дебюттук тасмасы.

"Бул менин чоӊ кинодогу дебюттук тасмам. Кинодон эмнени ала алдым? Үй-бүлөнү сактай билүү, ага болгон умтулуу зарыл экенин түшүндүм. Тасма тартуу учурунда коркунуч болгон жок, бирок азыр тасманы көрүп жатып корктум. Албетте, баары оӊой болгон жок, кыйынчылыктар да болду", - дейт актёр.

Актёр Данияр Байкожоев

Ал эми башкы каармандын образын жараткан Тургунай Эркинбекова буларга токтолду:

"Нарында кар кете элек, суук кезде тартылгандыктан кыйынчылыктар болду. Ошол учурда чыгармачыл топ бир үй-бүлөгө айландык. Коркунучтуу учурлар болду. Анткени режиссёрдун, баарыбыздын максатыбыз - көрүүчү тасманы көрүп жатканда коркуп, таасирлениши керек болчу. Мээнетибиз, кеткен кыйынчылыктарыбыз акталды деп ойлойм".

Тургунай Эркинбекова

"Албарсты" тасмасы жаш, балалуу боло албаган түгөйлөр жетим балдар үйүнөн Улан аттуу кичинекей баланы багып алуусунан башталат. Ал бала үйгө келгенден тарта сырдуу, коркунучтуу өзгөрүүлөр сезилет. Күйөөсү өзүн жоготуп, түшүнүксүз жүрүм-туруму менен аялын, багып алган баласын коркута баштаса, кош бойлуу коӊшусу сырдуу өлүм табат.

Башкы каарман бул өзгөрүүнүн баары албарстынын айынан болуп жатканын билип, баласын сактап калуу үчүн колунан келген аракетин кыла баштайт. Жадакалса мүрзөгө чейин барып, кабырга кирет... Бирок ошол учурда анын артынан да өлүм аӊдый баштаган эле...

Тасма эртеӊ, 1-июндан тарта өлкөбүздөгү бардык кинотеатрларда көрсөтүлө баштайт.

"Албарсты" тасмасы элди басты

Автор: Турсунай Алымкулова
Фото: Турсунай Алымкулова

19:12 31-05-2017

Жазылуу

РУБРИКАДАГЫ СОҢКУ КАБАРЛАР

10:52 2025-05-11 | Коом жана турмуш

ТИМ Стамбулда кармалган кыргыз мугалими үй камагына чыккандыгын билдирди 38 0

10:30 2025-05-11 | Түркүн дүйнө

Путин Украина бийлигин 15-майга Стамбулга чакырды (видео) 365 0

09:26 2025-05-11 | Кылмыштар, кырсыктар

Кантта унаасы менен дрифт уюштурган айдоочу айыпка жыгылды (видео) 343 0

09:05 2025-05-11 | Коом жана турмуш

11-майга карата Кыргызстандагы рубль менен доллардын курсу 495 0

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1631 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1499 0

Архив

Комментарийлер (15)

scorp

2017-05-31 19:20:14

Супер.кж кино кандай экен 1ден 10го чейин канча бал берет эленер киного?

dastan_nookat

2017-05-31 19:26:13

Жакшы окшойт мен коргум келип кети

-2

Best.bakyt

2017-05-31 20:19:25

Кинон деле албарсты,ырын деле албарсты башка тема жокпу?

-2

Ronni7

2017-05-31 21:26:27

Азыр баары эле кино деп 1 айда бирдемени тартып кинонун мусору болуп каждый.

Derzki_kyrgyz

2017-05-31 22:53:40

Ronni7, Кинону кучтуу элдик салттык критерийлер менен сындар сынап анан коруучуго откорчу департамент тузулмоюн. Жакшыбы жаманбы кинолор боло берет. Коч бара бара тузолот!

daak9191

2017-05-31 21:49:51

Албарыстысы деле басып атат сотору деле басып атат чону деле басып атат депутаты деле бксып атат самалоту деле басып атат багы деле басып кочкусу деле басып атат байкуш карапайым элим басылып жок болгону калды.мен да ыр чыгарсамы деп жатас,Сотор мени басты уууу аааа кайра мен Соторду бастым деп,Кирсен эле тиги тигини сотко берди ал кайра тигини берди тиги кайра сотон арызын алды

-3

izdeim.seni

2017-05-31 22:57:30

daak9191,деп тантып койдуң.

daak9191

2017-05-31 23:29:54

izdeim.seni,кандайча эле татып койдун ушунтип жазкан сен тантык

-2

Jangazy

2017-05-31 22:59:09

Албарсты модадан калды

Dilbaranurdinova

2017-05-31 23:40:14

Баарынан да мага комент окуган кызык да.....

kychan.98

2017-06-01 01:23:30

Кошуна олколордун балдары басканча биздин кыздарды албарсты эле баса берсинчи мен ыраазымын аларга очурет жетбей калабы деген бир сасык ойумда айланайын алтындарым и баса кечее ысыкол жакта албарстынын эркегин талашып урушуптурго бешиктен бели чыга элек кыздар оо кокуй кун эшекти эми унуттук элек эми албарсты чыктыбы

Aidani

2017-06-01 18:02:27

Мен корбойм бул кинону корсом албарсты мени да басып ит кылат

Ferdews

2017-06-03 15:03:37

Aidani,хахаха ошондой болбосун

Neizvestno777

2017-06-01 21:04:39

Баары эле албарсты каптап олду го

Haanykei

2017-06-04 17:45:03

кыйраткан кино болгондур ыры деле айтканга соз барбайт

Комментарий калтыруу үчүн өз ысымыңыз менен кириңиз же каттоодон өтүңүз.