ЖЫЛНААМА, 31-МАЙ: Бүткүл дүйнөлүк сары чачтуу айымдардын күнү

Бүгүн, 31-май - Бүткүл дүйнөлүк сары чачтуу айымдардын күнү. "Блондин" ("blondine", "blond") француз сөзү, которулганда "ачык түс" дегенди түшүндүрөт. Бул күн 2006-жылдан бери белгиленип, көп жерлерде бул майрамда сары чачтуу айымдар үчүн түрдүү сынактар уюштурулуп келет.

Алгач бул майрамды 2001-жылы Америка Кошмо Штаттарынын сары чачтын ээси болгон айымдары белгилей башташкан. Алар өзүлөрүнүн ой-жүгүртүүсүнүн төмөн эместигин белгилеп, алардын дарегине айтылып келген тамашаларды жокко чыгаргылары келген. Бир аз убакыттан кийин бул майрам дүйнө жүзү боюнча белгилене баштаган.

Окумуштуулардын айтымында, нукура сары чачтуу адамдар чанда кездешет. Андыктан 2202-жылга карата алар Жер бетинен толугу менен жок болушу мүмкүн. Акыркы 50 жылдын ичинде блондиндердин саны планетанын жалпы жашоочуларынын ичинен 49 пайыздан 14 пайызга чейин кыскарган. Бала сары чачтуу болуп төрөлүшү үчүн атасы да, апасы дагы ачык түстүү чачка ээ болушу керек.

31-майга карата жылнаама.

Автор: Саадат Токтоболот кызы