ЖЫЛНААМА, 4-ИЮНЬ: Белгилүү америкалык актриса Анжелина Жоли 42 жашка толду

Америкалык актриса, режиссёр, сценарист жана фотомодель Анжелина Жоли бүгүн, 4-июнда 42 жашка толду. Ал 1975-жылы АКШнын Лос-Анжелес шаарында туулган. Анын атасы 1978-жылы "Үйгө кайтып келүү" аттуу фильминдеги ролу үчүн "Оскар" сыйлыгын алган белгилүү актёр Жон Войт, ал эми апасы Марселина Бертран убагында модель болгон. Анжелинанын 2 жашар кезинде ата-энеси ажырашып кетишкен. Ар кандай ушактардан чочулаган апасы Анжелина менен уулу Жеймсти алып, Нью-Йорк шаарына баш калкалап көчүп кетүүгө аргасыз болушкан.

"Оскар", "Алтын глобус" жана башка көптөгөн сыйлыктардын ээси болгон Жоли алгач 1982-жылы "Жол табуунун жолун издеп" тасмасына тартылып, кийин "Лара Крофт: Күмбөздөрдү жок кылгыч", "Лара Крофт: Күмбөздөрдү жок кылгыч. Жашоонун өөрчүгөн жери" тасмаларындагы ролдору аркылуу атактуулукка жеткен.

Актриса 2009, 2011, 2013-жылдары "Forbes" журналынын версиясы боюнча эң көп акча төлөнгөн актриса деп табылган.

4-июндун жылнаамасы.

Автор: Турсунай Алымкулова