Жамгырда Жогорку Кеӊештин имаратынын ичине суу тамчылоодо. Бүгүн, 6-июнда парламенттин Экономикалык жана фискалдык саясат комитетинин жыйыны өтүүчү залга суу агып түшүп, ыӊгайсыздык жаратты. Жыйында депутаттар "Инвестицияларды тартуу жана коргоо, ишкердикти өнүктүрүү, товарларды өндүрүү жана тышкы рынокко өткөрүү боюнча өкмөттүн саясаты жөнүндө" токтому, "Салык кодексине өзгөртүүлөрдү киргизүү жөнүндө" мыйзам долбоорун талкуулаганы жатат. Залга суу тамчылап жатканы боюнча эч ким чара көрө элек.