Депутат Ош-Бишкек унаа жолунда күн ысыган маалда жүк ташуучу унаалар кечинде гана жүрүүсүн сунуштады

Бүгүн, 8-июндагы Жогорку Кеңештин жыйынында "Кыргызстан" фракциясынан депутат Жыргалбек Калмаматов Ош-Бишкек, Ош-Баткен унаа жолдорунда жүк ташуучу унааларга чектөө киргизүүнү сунуштады.

Ал билдиргендей, жылына канча адам бүгүнкү күндө жол кырсыгынан каза таап жатат. "Каза тапкандардын арасында 18-25 жашка чейинки жарандар болууда. Чектөө киргизүүнүн себеби жайдын күнү жүк ташуучу унаалар таксилер менен жарышып жүрүп жатат. Күндүн ысыгында асфальт эрийт. Транспорт жана жол министрлиги асфальтты жамагандан башка эч нерсе кылган жок. Ал эми жолдун жаман акыбалга келиши - бул жүк ташуучу унаалар күн ысыкта асфальтта 50-60 тонна жүк менен өтүп жаткандыгында. 5 жылда жол керектен чыгууда. Өкмөткө протоколдук тапшырма берет элем. Саат 18:00дөн тартып жүк ташуучу унааларга жүрүүгө уруксат берүү керек. Күн салкындаганда гана жүрүшү зарыл", - деди ал.

Автор: Жылдыз Джускембаева