Жаанда калып жол кыймылын жөнгө салган Патрулдук милиция кызматкерине сыйлык тапшырылды

Бишкек шаарындагы жол чырак иштебей калган кесилиште жаанда суу болгонуна карабай жол кыймылын жөнгө салган Патрулдук милициянын кызматкери Азимбек Асанов Шаардык ички иштер башкармалыгынын жетекчилиги тарабынан Ардак грамота менен сыйланды.

Бул туурасында бүгүн, 12-июнда Асанов SUPER.KG порталына кабарлады.

“Бүгүн эртең менен өздүк курамдын алдында, Бишкек ШИИББинин жана шаардык Патрулдук милициянын атынан Ардак грамота менен сыйландым. Ал жерде бир гана мен сыйлык алган жокмун, менден башка да кызматына жоопкерчилик менен мамиле кылгандарга сыйлык тапшырылды. Алган сыйлыгым мага мындан ары да кызматыма берилгендикти, чоң жоопкерчиликти пайда кылат”, - деди Асанов.

Эскерте кетсек, өткөн жумада катуу жаан жаап, шаардын айрым жерлеринде электр энергиясы өчүп калгандыктан жол чырактар иштебей калган. Жука көйнөкчөн Патрулдук милициянын кызматкеринин жолдо тыгын пайда болбошу үчүн жаанга карабастан кыймылды жөнгө салып иштеп жатканы тартылып алынган видео интернетте кызуу талкууну жараткан.

Буга чейин маалымдалгандай, Азимбек Асанов жаан жаап жаткан учурда 40 мүнөттөй жол кыймылын жөнгө салган. Кийимдеринин баары суу болгондуктан иниси үйүнөн алып келген кийимдерди кийип, кайрадан ошол күнкү кызматын уланткан.

Автор: Илязбек Балташев
Фото: Интернеттен алынган

19:49 12-06-2017

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (14)

abdrakhmanovich

2017-06-12 20:03:23

Сыйлык кут болсун жолдош старшина!

+10

aziret-92

2017-06-12 20:11:20

Ушундай жумушуна берилуу менен иш кылгандардын айлыгын катарындагыларга салыштырмалуу 2,3минге коп берсе жакшы болот беле деп ойлойм.
Баары берилип иштеп калышмак.

+12

Seryi-Kardinal

2017-06-12 20:16:52

Өзүнүн жумушун туура аткарып койсо деле сыйлык бере бересиңерби.

-23

Mumu1986

2017-06-12 21:36:09

Seryi-Kardinal, Эми Ошо жонле кагаздан
Сыйлык Громатакен ошонуда коро албайсынарда.
Ошону учунда, ээ койчу деп бирибизда жакшы иштрди кылгыбыз келбейт, кылсакда же рахмат айтып бир нерсе бергибиз келбейт. Ушинтип же озубуз кылбай же бироону коралбай журо беребизби?

+19

arap00

2017-06-12 20:32:34

Мекен үчүн иштеген мырзаларыбыз көбөйсүн. Бул ардак грамота эч нерсе эмес, негизгиси элдин ырахматына татыдыңыз....

+16

Burkut87

2017-06-12 20:55:56

Сыйлык кут болсун дейбиз. Бирок шериги сен кичне жамгырда чыгып иштеп тур мен сени тартайын видеого деген ойлорда пайда болот

-16

meni_kut

2017-06-12 21:23:17

Burkut87,короалбастык качан токтоор экен

mirana9395

2017-06-12 22:24:22

Burkut87,оюн жаман экен да

doping

2017-06-12 21:02:28

званясын которгуло

Alixan-Nookat.2015

2017-06-12 22:08:20

Званиясын көтөрүп койсо болмок, ардак грамота эмне үчүн министр МВДдан эмес?

Arlenchik

2017-06-12 23:01:36

Милдети экени чындык, бирок ошо милдетин да толук аткарбай эптеп журушпойбу , ошондуктан ишине берилуу мн кызмат кылгандарды сыйлап койсо башкаларга да улгу болот жана озуно андан да берилип иштешке стимул болот.

Birimdik5555

2017-06-13 00:13:37

Азамат,оз ишин абдан суйот экен

zarlyk2211

2017-06-13 03:55:17

Азамат!

AsNasridinov

2017-06-13 08:40:01

Ушул сыяктуу жумушун чын журоктон аткаркан эр азаматтар Олкобуздо кобойо берсин. Азаматсын!!!

Комментарий калтыруу үчүн өз ысымыңыз менен кириңиз же каттоодон өтүңүз.