Өзбекстандан Кыргыздын карамагына өткөн пансионаттар өткөн жылы киреше таппай, чоң чыгашага учураганы айтылды

Өткөн жылы Кыргыз мамлекети Өзбекстандан өткөрүп алган 3 пансионат дотациядан чыгууну максат кылууда. SUPER.KG порталы бул пансионаттардын жоготкон чыгымдарын жана азыркы абалын билди. Учурда 3 жай тең Мамлекеттик мүлктү башкаруу боюнча фонддун алдындагы “Мүлк” Мамлекеттик ишканасынын карамагында.

Аталган ишкананын төрагасы Орозбек Нусувалиевдин айтымында, эс алуучу жайлар Өзбекстандын карамагында болгон жылдары эң арзан баада ижарага берилип турган.

"Буга эмеректердин, техникалык жабдыктардын жоктугу себеп болгон. Биз быйыл туристтик сезонго карата пансионаттарды калыбына келтирип, мамлекетке киреше алып келе турган шартка даярдап жатабыз. Акыркы бир жылда пансионаттар оңдоп-түздөөдөн өтүп жатат”, - дейт О.Нусувалиев.

Мамлекеттин карамагына алынгандан кийин аттары кыргызчаланган пансионаттар 2016-жылы иштетилгени менен киреше таппай, тескерисинче чоң чыгашага учураган. “Бостери” пансионаты 2 миллион 400 миң сом жоготууга учураса, “Эне-Сай” пансионаты 155 миң сом чыгымга учураган. Ал эми “Алтын жай” эс алуу жайы 534 миң сом киреше тапкан.

“Бул жылы “Алтын жай” пансионатынан 5,5 миллион сом киреше табууну мерчемдеп жатабыз. Ал эми “Бостери” пансионаты боюнча жалпы 15 миллион сомду пландаганбыз. Бирок ал жерде жасай турган жумуш жана башка көп маселелер болгондуктан анын барын эске алып, 560 миң сом пайда көрүүнү болжоп турабыз. Ал эми “Эне-Сай” боюнча план 3 миллион сом”, - дейт Нусувалиев.

Эске салсак, 1992-жылы кабыл алынган макулдашуунун негизинде Кыргыз өлкөсү Өзбекстандын карамагындагы пансионаттарды өткөн жылдын июнь айында өткөрүп алган. Анда СССР жоюлганга чейин колдонулуп келген объектилер кайсы мамлекеттин аймагында болсо, ошол өлкөнүн карамагына өтүшү керек болчу. Кыргыз Өкмөтү бул маселеге 24 жылдан кийин кайрылган.

Маалымат үчүн айта кетсек, Мамлекеттик мүлктү башкаруу боюнча фонддун карамагында учурда “Аврора” жана “Солнышко” пансионаттары бар. Аталган фонддун маалымат кызматы билдиргендей, өткөн жылы эки пансионаттан мамлекеттин бюджетине 3 миллион сомго жакын киреше түшкөн.

Эске салсак, бул 3 пансионаттын аталыштары Өзбекстандан өткөрүлүп алынгандан кийин төмөнкүдөй болуп өзгөртүлгөн:

"Золотые пески" - "Бостери",

"Рохат" - "Алтын жай",

"Дилорам" - "Эне-Сай".

Автор: Мунарбек Жоргомов
Фото: Мамлекеттик "Мүлк" ишканасынан алынды

15:38 13-06-2017

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (10)

jonne

2017-06-13 15:52:07

Жакшы колдон келсе баардык ишканаларды озубузго откорсо жакшы болот мигрант байкелерибиз Россия

RusMos76

2017-06-13 15:57:20

Откоруп эле отура бербей иштетпейби.

Leilektik

2017-06-13 16:05:00

RusMos76,ремонт кылып жатабыз деп ататко канча пайда табышында алдын ала есептеп койуптур

didu

2017-06-13 16:06:38

банкрот деп жарыялап аукционго койуп арзан баада чондор алатта.

RusMos76

2017-06-13 16:59:02

didu,Туура, же болбосо ортодон талаш болуп силерге жок бизге да жок болуп турган чагы болсо керек.

sungjinsystem

2017-06-13 18:22:07

didu,орозбек нусувалиев деген киши барган жерин банкрот кылып, арзан баада озуно откорот. Мисалы, СЭЗ Бишкек, гостиница Ысык Кол. Эски бору, дагы эле тойбоптур. Кыргызстанды Кореяга карыз кылган киши, интернеттен ушул кишинин атын жазсанар чыгат

roland

2017-06-13 16:07:25

Кайра берели дегинер келип атабы эми

Truelensk

2017-06-13 19:25:15

roland,мен да ошону айтайын дегем.

Bolunbo.kyrgyz

2017-06-13 17:11:41

Ойдо жактан бироосу карап отурат да иштебей калды анан кайра бироого бериш керек деп оздору алып койот

Jyide

2017-06-13 17:21:34

Кыргызстан деген соз колдонулбай калганбы. Баардык эле жерде Кыргыз го.

Комментарий калтыруу үчүн өз ысымыңыз менен кириңиз же каттоодон өтүңүз.