Евробиримдик менен АКШ Орусияны митингден кармалгандарды бошотууга чакырды

Евробиримдиктин тышкы саясий кызматы Орусиянын шаарларында коррупцияга каршы митингдерде кармалган жарандарды токтоосуз бошотууга чакырды. Бул туурасында биримдик жарыялаган кабарда айтылат.

"12-июнда орус бийлиги тарабынан Москва, Санкт-Петербург жана башка шаарларда жүздөгөн демонстранттар камакка алынды. Евробиримдик Орусия бийлигине эл аралык милдеттемелерди жана кармалгандардын укуктарын коргоо боюнча кезектеги чакыруусун жасады".

Ошондой эле АКШ Ак Үйүнүн маалымат катчысы Шон Спайсер да Орусия Федерациясына кармалгандарды тез арада бошотууга чакырганын CNN билдирди.

“АКШ Орусияда тынчтык митингине чыгышып камалган жүздөгөн адамдардын тагдырын чечкиндүү талкуулоодо. Орусия бийлиги мындай аракеттери менен демократиянын баалуулуктарына шек келтирүүдө”, - деди Спайсер.

Москвада полиция 12-июндагы паракорчулукка каршы митингдерден 866 митингчини кармап кеткен. Алардын отуздайы полициянын убактылуу кармоочу жайына түнү бою калтырылган. Ал эми Санкт-Петербургда 400 адам кармалып, баары таң аткыча полицияда болушкандыгы кабарда айтылат.

Ал эми жүрүштүн уюштуруучусу, оппозициячыл саясатчы Алексей Навальный Москвадан демонстрация башталганга чейин эле кармалып, 30 күнгө эркинен ажыратылган. Аны Москва райондук соту уруксат берилбеген коомдук жыйындарга каршы мыйзамды кайра-кайра бузганы үчүн күнөөлүү деп тапкан.

Эскерте кетсек, кечээ, 12-июнда Орусиянын ири шаарларында коррупцияга каршы экендигин билдирген миңдеген жарандар митингге чыгышкан. Аларды полиция уруксаты жок чыккан деген негизде таркатып, айрымдарын кармап кеткен болчу.

Автор: Илязбек Балташев
Фото: Интернеттен алынган

16:34 13-06-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 368 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 388 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 340 0

22:26 2025-06-26 | Коом жана турмуш

27-июнга карата аба ырайы 457 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1860 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1544 0

Архив

Комментарийлер (7)

Leilektik

2017-06-13 17:06:21

Баардык жакка Акш башын тыгып турат екенда,

alhamdu

2017-06-13 17:11:52

Leilektik,россияда митинг болсо АКШга майдай жагат да

Bolunbo.kyrgyz

2017-06-13 17:09:59

Акш оздору колдоп чыгаргандыр ушу митингчилерди ызычуу кылгыла деп биздин шеф да уйронгон да сыраз камайт митинг кылгандарды

nemo2016

2017-06-13 17:24:56

ушул навальный акшнын агентида

KG.2606.Noo

2017-06-13 21:42:36

Россиияда митинг болуп революция башталса.русский деген жаран жоголот биринчиден,андан кийин 100 ашык майда мамлект пайда болуп бааары АКШга баш ийип калат турабы комментариийчилер)))~

nur_zhoni

2017-06-13 21:54:06

KG.2606.Noo, акш алда качан дуйнону басып алды эле россия жок болгондо путин эн акылдуу президент

meniuk

2017-06-14 13:22:34

биздеги кээбир митингтергеда ошо акш аралашат деп ойлойм

Комментарий калтыруу үчүн өз ысымыңыз менен кириңиз же каттоодон өтүңүз.