Испанияда коомдук унааларда эркектердин талтайып отуруусуна тыюу салынды

Испаниянын Мадрид шаарында эркектерге коомдук унааларда талтайып отурууга тыюу салынды. Чет элдик маалымат каражаттары жазгандай, коомдук унааларда мырзаларга бул тууралуу эскертип турган жазуулар, белгилер даярдалып илинген.

Мырзалардын бутун кенен жайып отуруусуна тыюу салууну активисттер демилгелеп, алардын бул пикирин көпчүлүк аялдар колдошкон. Активисттер унаада талтайып отурган мырзалар жанында отуруп бараткан жүргүнчүгө ыңгайсыздык жаратып, кенен отуруусуна тоскоол болорун айтып чыгышкан.

Эркектердин коомдук унааларда талтайып отуруусун жоюу жөнүндөгү петицияга 600дөн ашуун жаран кол койгон. Айта кетсек, АКШда 2015-жылдан бери метродогу вагондордо талтайып отурган эркектер жоопко тартылат.

Автор: Кызжибек Раимова
Фото: Интернеттен алынган сүрөт