Бишкекте "Таза Коом" долбоорунун алкагында эксперттер жана өкмөттүн өкүлдөрүнүн катышуусунда талкуу болду

Бишкекте бүгүн, 14-июнда "Санариптик экономиканын өнүгүүсү. Жаңы технологиялык түзүмгө өтүү" аталышындагы тегерек стол өттү. Иш-чара президенттик аппарат, "Евразиялыктар - жаңы толкун" фонду, Кыргыз эл аралык университети тарабынан уюштурулду.

Анда ЕАЭБдин алкагында Кыргыз өлкөсүнүн туруктуу социалдык-экономикалык өнүгүү жолун табуу тууралуу талкуу жүрдү. Ошондой эле иш-чарада өкмөт өкүлдөрү, эл аралык эксперттер жана коомдук ишмерлер дүйнөдөгү жаңы технологиялар, аны Кыргыз жергесинде колдонуу, экономикалык санариптин мүмкүнчүлүктөрү тууралуу докладдарды жасашты.

Жыйынга катышып жаткан Кыргыз эл аралык университетинин проректору Аяз Баетов бул долбоорго жаштарды тартуу керектигин билдирди.

"Бул долбоорго жаштардын кызыкчылыгы күчтүү болуусу керек деп ойлойм. Анткени санариптик коом, интернет, жаны технология - бул жаштардын доору", - дейт Баетов.

Автор: Кенжебай Сатканалиев
Фото: Кенжебай Сатканалиев